कृष्ण केसी, चितवन ।
अखिल नेपाल ट्रेड युनियन महासंघ (अन्टुक) जिल्ला समिति नवलपुर र चितवनले संयुक्त रुपमा अन्तर्राष्ट्रिय मजदुर दिवसको कार्यक्रम गरेका छन् ।
जिल्ला समन्य समिति चितवनको सभाहलमा सम्पन्न कार्यक्रममा अन्टुकका महासचव शालिग्राम सापकोटाले अन्तर्राष्ट्रिय मजदुर दिवस मनाउनुपर्नाको औचित्यबारे स्पष्ट पार्नुभएको थियो ।
कार्यक्रममा अखिल नेपाल ट्रेड युनियन महासघ (अन्टुक)का केन्द्रीय सदस्य डम्मर केसी, राष्ट्रिय जनमोर्चाका केन्द्रीय सदस्यद्वय डम्मर पुरी र राजेन्द्र ढुंगाना, राजमो चितवनका अध्यक्ष अमर छेत्री, जातीय समता समाजका केन्द्रीय सदस्य लक्ष्मी विक, रक्तिम सांस्कृतिक अभियान बागमती प्रदेश सदस्य कृष्ण केसी, अखिल नेपाल युवक संघका केन्द्रीय सल्लाहकार गोबिन्द अम्माई, नेकपा (मसाल) नवलपुर जिल्ला प्रवक्ता चन्द्र सापकोटाले पनि मन्तव्य राख्नुभएको थियो ।
यस्तै, मूल प्रवाह अखिल भारत नेपाली एकता समाजका केन्द्रीय कोषाध्यक्ष मदन चालिसे, अखिल नेपाल जनजाती सम्मेलन चितवनका लाल बहादुर थापा, अखिल नेपाल किसान संघ समिति चितवनका अध्यक्ष लक्षुमन चालिसे, अखिल (छैठौं) जिल्ला समिति चितवनका उपाध्यक्ष प्रविन केसी लगायतका वक्ताहरूले अन्तर्राष्ट्रिय मजदुर दिवसको बारेमा आ–आफ्ना विचार राख्नु भएको थियो ।
कार्यक्रममा टीकाराम सुवेदीसहित रक्तिम सांस्कृतिक अभियान चितवनका कलाकारहरूले विभिन्न गीत संगीत प्रस्तुत गरेका थिए ।
अन्टुक नवलपुरका अध्यक्ष ऋषिराम कडेलको अध्यक्षता तथा जितबहादुर थापाको संचालनमा अघि बढेको कार्यक्रममा युवराज पौडेलले स्वागत गर्नुभएको थियो ।
