बिजुवार (प्युठान) । प्युठानमा एक सय छत्तिसौँ मे दिवस र चालिसौँ सहिद मित्रमणि दिवस कार्यक्रम एकैसाथ सम्पन्न भएको छ ।
२०८२ वैशाख १८ गते बिहीबार बिजुवार मित्रमणि चोकमा सो कार्यक्रम सम्पन्न भएको हो ।
गोपाल केसीको अध्यक्षतामा सुरु भएको उक्त कार्यक्रममा उपस्थित सबै जनाबाट सहिद मित्रमणिको तस्बिरमा फोटो र मालार अबिर माल्यार्णपण गर्दै एक मिनेट मौनधारण गरिएको थियो ।
कार्यक्रममा मन्तव्य राख्दै अखिल (छैठौं) का अध्यक्ष सुवाश जिसीले मित्रमणिले देखाएको बाटो र योगदानको विषयमा र उहाँको जीवनीको विषयमा धारणा राख्नुभएको थियो ।
त्यस्तै, राष्ट्रिय जनमोर्चाका केन्द्रीय सदस्य कृष्णबहादुर खड्का र नेकपा ९मसाल० का लुम्बिनी प्रदेशका प्रवक्ता तिलक जिसीले पनि मे दिवस र सहिद मित्रमणिको बारेमा चर्चा गर्नुभएको थियो ।
कार्यक्रममा नेकपा (मसाल) प्युठानका प्रवक्ता राम पहाडी, लुम्बिनी प्रदेशका निवर्तमान सांसद तारा जिसी, अखिल नेपाल महिला सङ्घकी केन्द्रीय उपाध्यक्ष पद्मा पण्डितलगायतका राजमोका विभिन्न तहका नेताकार्यकर्ताको उपस्थिति रहेको थियो ।
रक्तिम सांस्कृतिक अभियानका कलाकारबाट गीत तथा नृत्य प्रस्तुत गरिएको सो कार्यक्रम अखिल नेपाल युवक सङ्घका केन्द्रीय कोषाध्यक्ष तथा प्युठान जिल्लाका अध्यक्ष कमल पौडेलले सञ्चालन गर्नुभएको थियो ।
