काठमाडौँ । टोखाबाट ट्रकमा बरामद भएको २५ करोड विदेशी मुद्राका मालिक नेकपा माओवादी केन्द्रनिकट व्यापारी भएको खुलेको छ ।
उक्त रकम सिन्धुपाल्चोकको भोटेकोसी गाउँपालिका–४ घर भई टोखा नगरपालिका १० महादेवटार हाइटमा बस्ने नारायण पौडेलको भएको राजश्व अनुसन्धान विभागले जनाएको छ।
उनी यसअघि रक्तचन्दन तस्करी, सुन तस्करी तथा जवा
पौडेल यसअघि पनि पटक पटक पक्राउ परेका व्यक्ति हुन्। नेकपा माओवादी केन्द्र निकटका व्यापारी २०८० असारमा जुवाखालबाट पक्राउ परेका थिए।
२१ वर्ष पहिले पनि उनलाई राजश्व अनुसन्धान विभागले पक्राउ गरेको थियो। उनी रक्तचन्दनको तस्करीमा समेत मुछिएका थिए। चीनबाट कपडाको व्यापार गर्दै आएका पौडेल पछिल्लो समय सुन तस्करीमा लागेको निस्कर्षमा विभाग छ।
उनलाई पक्राउ गर्न अदालतले अनुमति समेत दिइसकेको छ। राजस्व अनुसन्धान विभागले टोखास्थित निवासमा छापा मारेर केही कागजातहरु समेत नियन्त्रणमा लिइसकेको र पौडेल भने ट्रक चालक पक्राउ परेलगतै फरार भएको विभागले जनाएको छ।
