काठमाडौँ । नेपाल विद्युत् प्राधिकरणका कार्यकारी निर्देशक कुलमान घिसिङलाई पदबाट हटाएको विरोधमा विवद्यार्थीहरूले प्रदर्शन गरेका छन्।

मंगलबार विहान नेकपा (एकीकृत समाजवादी) निकट अनेरास्ववियूले काठमाडौँको प्रदर्शनीमार्गस्थित विश्वभाषा क्याम्पसमा विरोध प्रदर्शनसहित ऊर्जामन्त्री दिपक खड्काको पुत्ला दहन गरेको हो ।

सोमबार साँझ बसेको मन्त्रिपरिषद् बैठकले प्राधिकरणका कार्यकारी निर्देशक घिसिङलाई पदमुक्त गर्ने निर्णय गरेको थियो । उनको ठाउँमा हितेन्द्र शाक्यलाई नियुक्त गर्ने सरकारले निर्णय गरेको छ ।

सरकारले कुलमानलाई प्राधिकरणबाट हटाएपछि अहिले चौतर्फी विरोध भइरहेको छ । कुलमान प्रकरणले राजनीतिक दलहरूबीच तिक्ततासमेत बढाएको छ ।