भरतपुर । अखिल नेपाल ट्रेड युनियन महासङ्घ (अन्टुक) चितवनले सङ्घीयता खारेजीका लागि राष्ट्रिय जनमोर्चाले आगामी चैत २४–३० गतेसम्म आयोजना गरेको काठमाडौँ केन्द्रित आन्दोलनलाई सफल पार्न आवश्यक सहयोग गर्ने निर्णय गरेको छ ।
अन्टुकका केन्द्रीय सल्लाहकार भैरवराज रेग्मीको उपस्थितिमा २०८१ फागुन २० गते बसेको बैठकले सो निर्णय गरेको हो ।
अन्टुक चितवनका अध्यक्ष जितबहादुर थापाका अनुसार काठमाडौँकेन्द्रित सङ्घीयता विरुद्धको आन्दोलन सफल पार्न अन्टुकले सक्रिय सहभागिताका साथै आवश्यक सहयोग गर्नेछ ।
‘उक्त कार्यक्रममा होटेल मजदुर, कृषि मजदुर, यातायात मजदुर तथा निर्माण मजदुरहरूलाईसहभागी गराउने निर्णय गरेका छौँ’ थापाले भन्नुभयो ।
बैठकमा आगामी मे दिवसको कार्यक्रम, जिल्लामा सङ्गठन बिस्तार र आर्थिक कोष निर्माण गर्ने विषयमा पनि आवश्यक निर्णय भएको उहाँले बताउनुभयो ।
बैठकमा राजमो केन्द्रीय सदस्य डम्बर पुरी, अन्टुकका केन्द्रीय सदस्य डम्बर केसी र राजमो जिल्ला अध्यक्ष अमरबहादुर क्षेत्रीको पनि उपस्थिति रहेको जानकारी दिइएको छ ।
