सुजन ज्ञवाली, बनेपा ।
काभ्रेपलाञ्चोकको कोटथुम्का खानेपानी तथा सरसफाइ जल उपभोक्ता समितिको तेस्रो अधिवेशन सम्पन्न भएको छ ।
बनेपा नगरपालिकाका नगर उपप्रमुख बिमला सापकोटाको उद्घाटनसँगै २०८१ फागुन १८ गते सम्पन्न भएको हो ।
समारोहमा मन्तव्य राख्दै नगर प्रमुख सापकोटाले अधिवेशनले पारित गरेका समस्या समाधानका प्रस्ताव तथा “एक घर, एक धारो” कार्यक्रमलाई पूर्ण रूपमा सहयोग गर्ने प्रतिबद्धता व्यक्त गर्नुभयो।
सोही अवसरमा बनेपा नगरपालिका वडा नं। १२ का वडा सदस्य सागर लामाले आगामी वर्षको नीति तथा कार्यक्रममा पूर्ण रूपमा सहयोग गर्ने प्रतिबद्धता जनाउनुभयो ।
स्थानीय जनप्रतिनिधि समूहका प्रतिनिधि तथा उपभोक्ताको उपस्थिति रहेको सो भेला सुजन ज्ञवालीले सञ्चालन तथा इच्छाराम थापाको सभापतित्वमा अघि बढेको थियो ।
अधिवेशनको दोस्रो चरणअन्तर्गत बन्दसत्र कार्यक्रम सम्पन्न भएको थियो ।
यस क्रममा तीन सदस्यीय निर्वाचनमण्डल गठन गरी सुवर्णविक्रम थापाको नेतृत्वमा समूहको विधान–०६१ अनुरूप निर्विरोध रूपमा नयाँ कार्यसमिति चयन गरिएको थियो ।
भेलाले इच्छाराम थापा अध्यक्ष रहनुभएको ११ सदस्यीय कार्यसमिति गठन गरेको छ ।
समितिको उपाध्यक्षमा लक्ष्मी थापा, कोषाध्यक्षमा उमासत्याल थापा र सचिवमा कृष्णजी थापा रहनुभएको छ ।
त्यस्तै, सदस्यमा प्रह्लाद थापा, सपना थापा, रोशन थापा, हरिशरण विष्ट, सुशीला ज्ञवाली, किशोर थापा र लक्ष्मी श्रेष्ठ रहनुभएको छ ।
