काठमाडौं । नेकपा (मसाल) ले पार्टी सदस्य गिरबहादुर पुन (क. तिलक) प्रति श्रद्धाञ्जली अर्पण गरेको छ ।
प्यूठानको स्वर्गद्वारी नगरपालिका–१ निवासी पार्टीका पुराना सदस्य पुनको यही माघ १० गते निधन भएको थियो ।
प्रवक्ता रामप्रकाश पुरीले आइतबार (माघ १३ गते) एक शोक वक्तव्य प्रकाशित गरी उहाँको मृत्युबाट आन्दोलनमा गम्भीर क्षति भएको उल्लेख गर्नुभएको छ ।
यस्तो छ शोक वक्तव्य
हार्दिक श्रद्धाञ्जली
प्यूठान जिल्ला स्वर्गद्वारी नगरपालिका–१ निवासी कामरेड गिरबहादुर पुन (का. तिलक)को २०८१ माघ १० गते भएको मृत्युप्रति हामीले गहिरो दुःख व्यक्त गर्दै सन्तप्त परिवारजनप्रति हार्दिक समवेदन प्रकट गर्दछौँ ।
का. गिरबहादुर हाम्रो पार्टीको पुरानो सदस्य हुनुहुन्थ्यो । उहाँले प्रवास र स्वदेशमा विभिन्न सामाजिक सङ्गठनका साथै विभिन्न जनवर्गीय मोर्चा र हाम्रो पार्टीका विभिन्न तहमा रहेर काम गर्नु भएको थियो । जीवनपर्यन्त पार्टीको विचार र उद्देश्यप्रति प्रतिवद्ध रही जिम्मेवारी निर्वाह गर्नुभएका का. गिरबहादुर हाम्रो पार्टीको अनुशासित, जुझारू र कर्तव्यनिष्ठ सदस्य हुनुहुन्थ्यो । उहाँको मृत्युबाट हाम्रो पार्टीको आन्दोलनमा गम्भीर क्षति भएको छ ।
अन्तमा हामीले उहाँप्रति हार्दिक श्रद्धाञ्जली व्यक्त गर्दछौँ ।
२०८१ माघ १३ गते ।
प्रवक्ता
रामप्रकाश पुरी
