काठमाडौँ । राष्ट्रिय जनमोर्चा काठमाडौँ सङ्घीयता विरोधी काठमाडौँकेन्द्रित आन्दोलनको तयारीमा जुटेको छ ।
२०८१ पुस १३ गते शनिबार सम्पन्न जिल्ला समितिको बैठकले यस सम्बन्धमा ठोस कार्यक्रम तय गरेको हो ।
पुस १४ गते जिल्ला अध्यक्ष झबिन्द्र बेलबासेको हस्ताक्षरमा जारी प्रेसविज्ञप्तिमा उक्त ठोस कार्यक्रमबारे जानकारी दिइएको छ ।
प्रेसविज्ञप्तिमा आन्दोलनको तयारीका चार चरणको कार्यक्रम निश्चित गरिएको जानकारी दिइएको छ ।
पहिलो चरणको कार्यक्रमअनुसार पुस १४ गतेदेखि माघ ४ गतेसम्म सबै नगर समितिका भेला तथा जनवर्गीय सङ्गठनको सबै स्तरका भेला आयोजना गरिने छ ।
दोस्रो चरणको कार्यक्रमअन्तर्गत माघ ५ गतेदेखि राजमोको साधारण सदस्य तथा सम्पर्क समितिका सदस्यसम्मको सहभागिता रहने गरी प्रशिक्षण कार्यक्रम सञ्चालन गरिने छ ।
तेस्रो चरणको कार्यक्रमअनुसार माघ ६ गतेदेखि फाुन २४ गतेसम्म काठमाडौँ उपत्यकाका विभिन्न २० स्थानमा रक्तिम सांस्कृतिक
अभियानको टोलीसहित सभा, कोणसभा, पर्चा वितरणलगायतका कार्यक्रम सम्पन्न गरिने छ ।
चौथो चरणको कार्यक्रम माघ ५ गतेको प्रशिक्षण भेलामा प्रस्तुत गरिने छ ।
त्यस्तै, विज्ञप्तिमा पुस १५ गते बुढानीलकण्ठ नगर समितिको, पुस २७ गते काठमाडौँ महानगर र टोखा नगर समितिको तथा माघ ३ गते नागार्जुन नगर समितिको बैठक बस्ने छ भने माघ ३ गते चन्द्रागिरी नगर समितिको सम्मेलन सम्पन्न हुने छ । टोखा नगर समितिको बैठक पुस १३ गते शनिबार सम्पन्न भइसकेको जानकारी दिइएको छ ।
एवम् प्रकारले पुस २० गते सम्पूर्ण जनवर्गीय सङ्गठनसहितको संयुक्त बैठक केन्द्रीय कार्यालय भवनमा सम्पन्न हुने बताइएको छ ।
विज्ञप्तिमा आन्दोलनको तयारीको क्रममा २५ प्रतिशत साधारण सदस्यता वृद्धि गर्ने लक्ष्य राखिएको उल्लेख छ ।
