बुटवल । प्यालेस्टाइनी जनतामाथि इजरायलद्वारा भइरहेको ‘जनसंहार’ विरुद्ध लुम्बिनी प्रदेशका १२ वटै जिल्लामा हस्ताक्षर संकलन गर्न थालिएको छ ।
२०९१ पुस १ गते राष्ट्रिय जनमोर्चा लुम्बिनीका अध्यक्ष बोमबहादुर खत्रीको अध्यक्षतामा बसेको बैठकले प्रदेशका सबै जिल्लामा हस्ताक्षर संकलन गर्न कार्ययोजना बनाएको छ ।
प्यालेस्टाइनीमाथि इजरायली जनसंहारविरुद्धको अभियान, लुम्बिनीका संयोजक बोमबहादुर खत्रीद्वारा जारी विज्ञप्तिमा बैठकमा सहभागी सात दललाई विभिन्न जिल्लामा संयोजन गर्ने जिम्मेवारी दिइएको छ ।
प्रदेशबाट न्यूनतम ५० हजार जनाको हस्ताक्षर संकलन गर्ने अभियानको योजना छ ।
यस्तो छ प्रेश वक्तव्य
मिति २०८१/९/१ गतेका दिन प्यालिस्टनी माथि इजरायली नरसंहार विरुद्ध संयुक्त अभियान नेपालको लुम्बिनी प्रदेश स्तरीय बैठक राष्ट्रिय जनमोर्चा लुम्बिनी प्रदेश अध्यक्ष का. बोमबहादुर खत्रीको अध्यक्षतामा बस्यो । बैठकले गरेका निर्णयहरु सार्वजनिक गर्न यो वक्तव्य जारी गरिएको छ ।
१) प्यालेटिनीमाथि इजरायली नरसंहार विरुद्ध लुम्बिनी प्रदेशका १२ ओटै जिल्लामा हस्ताक्षर अभियान सञ्चालन गर्ने ।
२) प्रदेश भरिबाट न्यूनतन ५० हजार हस्ताक्षर संकलन गर्ने ।
३) हस्ताक्षर संकलनका लागि रुपन्देही जिल्लामा राष्ट्रिय जनमोर्चा र नेपाल कम्युनिष्ट पार्टी माओवादी केन्द्र, जनता समाजवादी पार्टी र नेपाल कम्युनिष्ट पार्टी, नवलपरासी जिल्लामा नेपाल कम्युनिष्ट पार्टी एकीकृत समाजवादी पार्टी, नेपाल समाजवादी पार्टी, कपिलवस्तु जिल्लामा नेकपा, नेसपा र जसपा, बाँकेमा माओवादी केन्द्र र एकीकृत समाजवादी पार्टी, बर्दियामा माओवादी केन्द्र र नेकपा, दाङमा माओवादी केन्द्र, एकीकृत समाजवादी र राजमो, रोल्पामा माओवादी केन्द्र, राज मो र नेकपा पूर्वी रुकुममा माओवादी केन्द्र र एकीकृत समाजवादी, पाल्पामा एकीकृत समाजवादी, राजमो र माओवादी केन्द्र, गुल्मीमा माओवादी केन्द्र र नेकपा, अर्घाखाँचीमा क्रान्तिकारी कम्युनिस्ट पार्टी र राजमो, प्युठानमा राजमो, माओवादी केन्द्र, क्रान्तिकारी कम्युनिस्ट पार्टीले संयोजन गर्ने ।
४) हस्ताक्षरका लागि आवश्यक तयारी गर्न पुस ३ र ४ गते सबै जिल्लाको बैठक बस्न बैठकमा उपस्थित सबै दलले आफ्नो पार्टीमा निर्देशन गर्ने र हस्ताक्षर अभियान २०८१ पुस १५ गते सम्म सञ्चालन गर्ने निर्णय गरिएको छ ।
बैठकमा सहभागी दल यस प्रकार रहेका छन् :
१) राष्ट्रिय जनमोर्चा २) नेपाल कम्युनिस्ट पार्टी माओवादी केन्द्र ३) नेपाल कम्युनिस्ट पार्टी ४) क्रान्तिकारी कम्युनिस्ट पार्टी ५ एकीकृत समाजवादी पार्टी ६) नेपाल समाजवादी पार्टी ७) जनता समाजवादी पार्टी ।
बोमबहादुर खत्री
संयोजक
