दाङ । प्रगतिशील पत्रकार सङ्घ दाङले नेपाल पत्रकार महासङ्घको जिल्ला कार्यालय दाङमा ताल्चा लगाएको छ ।

२०८१ मङ्सिर १८ गते मङ्गलबार प्रगतिशील दाङका अध्यक्ष महेश रिजालले सङ्गठनको तर्फबाट ताल्चा लगाउनुभएको हो ।

दाङमा प्रगतिशील पत्रकार सङ्घप्रति आस्था राख्ने क्रियाशील पत्रकारलाई महासङ्घको सदस्यता नदिएर भेदभाव गरिएको भन्दै तालाबन्दी गरिएको रिजालले युगदर्शनलाई बताउनुभयो ।

प्रगतिशील दाङले कार्यालयमा केन्द्रीय समितिद्वारा जारी प्रेसविज्ञप्ति टासेको छ ।

यसअघि, प्रगतिशीलको केन्द्रीय समितिले हिजो मङ्सिर १७ गते नै महासङ्घले सदस्यता विवादमा भएको भन्दै प्रेसविज्ञप्ति जारी गरिसकेको छ ।