काठमाडौं । रामेछापमा सवारी दुर्घटना हुँदा ५ जनाको मृत्यु भएको छ ।

गोकुलगंगा गाउँपालिका ६ सिमलडाँडाको भिरमा फोर्स गाडी दुर्घटना हुँदा ५ जनाको घटनास्थलमै मृत्यु भएको र अरु ३ जना घाइते भएको रामेछापका डीएसपी प्रदीप सिंहले बताए ।

घाइते एक जनालाई मन्थली अस्पताल र एकजनालाई तामाकोसी अस्पतालमा उपचारका लागि लगिसकिएको रामेछापका प्रमुख जिल्ला अधिकारी राजु प्रसाद पौडेलले बताए। एक जना घाइते बाटैमा छन् ।  गाडी काठमाडौँबाट रामेछापको बेतालीतर्फ गइरहेको थियो । गाडीमा ८ जना सवार थिए ।

वडाध्यक्ष पनि मृत्यु

रामेछापको सिमलडाँडा भिरमा भएको दुर्घटनामा गोकुलगंगा गाउँपालिका ४ का वडाध्यक्ष रामचन्द्र बस्नेतको पनि मृत्यु भएको छ।

वडाध्यक्ष बस्नेत नेपाली कांग्रेसबाट निर्वाचित भएका थिए।