भरतपुर । चितवनका रत्ननगर नगरपालिका, कालिकानगर नगरपालिका र माडी नगरपालिकामा राष्ट्रिय जनमोर्चाले ज्ञापनपत्र बुझाएको छ ।
राजमो केन्द्रीय समितिको निर्देशनमा भदौभरिका लागि घोषित कार्यक्रमअनुसार मङ्गलबार र बुधबार सो पालिकामा ज्ञापनपत्र बुझाइएको हो ।
रत्ननगर नगरपालिका
यस पालिकामा २०८१ भदौ २६ गते बुधबार १८ बुँदे ज्ञापनपत्र बुझाइएको छ ।
ज्ञापनपत्र बुझाउन राजमो केन्द्रीय सदस्यहरू डम्मर पुरी, राजेन्द्र ढुङ्गाना र देवी शर्मा, राजमो चितवनका पदमप्रसाद वाग्ले, देविराम शर्मा, नरहरि पुरी, टीकाराम सुवेदी, चन्दा केसी, सीता क्षेत्री र रामप्रसाद पौडेल सम्मिलित प्रतिनिधिमण्डल नगरपालिका कार्यालय पुगेको थियो ।
कालिकानगर नगरपालिका
यहाँ पनि आजै १७ बुँदे ज्ञापनपत्र बुझाइएको छ ।
प्रतिनिधिमण्डलमा राजमो केन्द्रीय सदस्यहरू डम्मर पुरी, राजेन्द्र ढुङ्गाना, देवी शर्मा र केन्द्रीय प्रतिनिधि अमरबहादुर क्षेत्रीका साथै राजमो नेताहरू नारायण चालिसे, विष्णु ढुङ्गाना, सोमनाथ पौडेल, नारायण पौडेल, वीरेन्द्र थापा, गोपाल शर्मा, राधाकृष्ण पौडेल र एलपी शर्मा सहभागी हुनुहुन्थ्यो ।
माडी नगरपालिका
यस पालिकामा भदौ २५ गते मङ्गलबार १७ बुँदे ज्ञापनपत्र बुझाइएको छ ।
ज्ञापनपत्र बुझाउनका लागि राजमो चितवनका नेताहरू यादवविलास पन्त, अमरबहादुर क्षेत्री, लक्ष्मण चालिसे, रविशङ्कर चालिसे, एलपी शर्मा, शेखरनाथ आचार्य, पुष्पा थापा, उमा शर्मा चालिसे, गणेश चालिसे, हेमलाल चालिसेलगायतको प्रतिनिधिमण्डल नगरपालिकामा पुगेको थियो ।
