बुटवल । राष्ट्रिय जनमोर्चा रुपन्देहीले जिल्ला प्रशासन कार्यालयलाई ज्ञापन बुझाएको छ ।
२०८१ भदौ १७ गते सोमबार प्रमुख जिल्ला अधिकारी गणेश अर्यालमार्फत प्राधानमन्त्री तथा मन्त्रिपरिषद्को कार्यालयलाई ज्ञापन बुझाइएको हो ।
ज्ञापनपत्र बुझाउन जाने टोलीको नेतृत्व राजमो रूपन्देहीका अध्यक्ष टानबहादुर केसीले गर्नुभएको थियो ।
सो टोलीमा राजमो केन्द्रीय सल्लाहकार बद्र्रे आलम, वामपन्थी नेता चेतनाथ आचार्य, नेकपा (मसाल) रुपन्देहीका प्रवक्ता लालचन्द पन्थ, राजमो नेताहरू गणेश गौतम, इन्दिरा ज्ञवाली, कृष्णप्रसाद पोख्रेल, हीरालाल धामी, कविराम भट्टराई, लीलावल्लभ खनाल, तारापति सापकोटा, लालबहादुर क्षेत्री, गोपाल बन्जाडे, हर्कबहादुर टन्डन, रुकबहादुर पराजुलीलगायत सहभागी हुनुहुन्थ्यो ।
ज्ञापनपत्रमा राष्ट्रिय, अन्तर्राष्ट्रिय तथा स्थानीय समस्या र जनजीविकासँग सम्बन्धित ३२ बुँदाहरू समावेश गरिएका छन् ।
त्यस्तै, आज नै राजमो सिद्धार्थनगर नगर समितिले पनि नगरप्रमुखलाई २८ बुँदे ज्ञापनपत्र बुझाएको छ ।
ज्ञापनपत्र बुझाउन राजमो नगर अध्यक्ष हीरालाल धामी, उपाध्यक्ष कविराम भट्टराई, सचिव सगिर आलम, कोषाध्यक्ष भीमबहादुर क्षेत्री सुवेदी, सदस्यहरू श्याम काँहार, रामकिसुन बानियाँ, आफताव आलम, भानु केसी, सल्लाहकारहरू नरबहादुर केसी र बद्रे आलमसहितको टोली नगरपालिका कार्यालय पुगेको थियो ।
वामपन्थी नेता चेतनाथ आचायका अनुसार भदौ १९ गते तिलोत्तमा, भदौ २४ गते कञ्चन र सैनामैना र भदौ २६ गते देवदहमा ज्ञापन बुझाउने कार्यक्रम रहेको छ ।
त्यस्तै, भदौ २८ गते तिलोत्तमा र भदौ ३१ गते बुटवलमा सभाको कार्यक्रम रहेको बताइएको छ ।
