काठमाडौँ । अधिवक्ता चुरामणि भुसाललाई अध्यक्षमा चयन गर्दै अखिल नेपाल कानुन व्यवसायी सङ्घ (अन्ला) को बागमती प्रदेश भेला सम्पन्न भएको छ ।
राष्ट्रिय जनमोर्चाका महासचिव मनोज भट्टको प्रमुख आतिथ्यमा २०८१ साउन २६ गते शनिबार सो भेला सम्पन्न भएको हो ।
भेलाद्वारा निर्वाचित समितिको नामावली अन्लाका अध्यक्ष अधिवक्ता पदम रोकाले प्रस्तुत गर्नुभएको थियो ।
भेलाले प्रदेश समितिको उपाध्यक्षमा राजेन्द्र शर्मा, सचिवमा सुनिता कुँवर र कोषाध्यक्षमा उषा पोखरेललाई चयन गरेको छ ।
त्यस्तै, समितिको सदस्यहरूमा प्रतिभा रोका, खुमनाथ न्यौपाने, राजेन्द्र श्रेष्ठ, अनितासिंह जिसी, भीमराज जोशी, स्वस्तिका दुलाल, रामप्रसाद भुसाल र मधुसूदन सापकोटा रहनुभएको छ ।
समितिको एक स्थान रिक्त राखिएको अध्यक्ष भुसालले युगदर्शनलाई जानकारी दिनुभयो ।
कार्यक्रमलाई विशिष्ट अतिथि घनश्याम न्यौपाने, अन्लाका महासचिव लक्ष्मणदेव पाण्डे, प्रगतिशील पत्रकार सङ्घका महासचिव प्रकाश थापामगर, अखिल (छैठौं) का सचिवालय सदस्य विवेक जिसी, राष्ट्रिय जनमोर्चाका केन्द्रीय सदस्य लालबहादुर थापा र अधिवक्ता खिमानन्द बन्जाडेले शुभकामना दिनुभएको थियो ।
रामप्रसाद शर्माको अध्यक्षता तथा चुरामणि भुसालको सञ्चालनमा अघि बढेको सो भेलामा उपस्थित जनसमुदायलाई राजेन्द्र शर्माले स्वागत गर्नुभएको थियो ।
