दिनेश रैदास, दाङ ।
सन् २०२४ लाई लेनिन स्मृतिको शताब्दी वर्षका रूपमा मनाउन जनस्तरबाट गठित अभियान “लेनिन स्मृति शतवार्षिकी” को भेला सम्पन्न भएको छ ।
शतवार्षिकीको दाङ संयोजन समिति गठन गर्ने उद्देश्यका साथ २०८१ असार १ गतेका दिन उक्त भेला आयोजना गरिएको थियो ।
कार्यक्रममा वक्ताहरूले लेनिनको नेतृत्वमा भएको समाजवादी क्रान्ति, त्यसपश्चात् स्थापित समाजवादी व्यवस्था र कम्युनिस्ट व्यवस्थाद्वारा विभिन्न क्षेत्रमा गरिएका ऐतिहासिक काम र आजको नेपालको आन्दोलनका चुनौतीबारे विस्तृत चर्चा गर्नुभयो।
सो अवसरमा नेपाल कम्युनिस्ट पार्टी (माओवादी केन्द्र) दाङका नेता लेखराज रेग्मी, राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्य, नेपाल कम्युनिस्ट पार्टी (एकीकृत समाजवादी) का सूर्य बिसी, नेपाल कम्युनिस्ट पार्टी दाङका इन्चार्ज विकास सी र सर्वोदय पुस्तक पसलका अध्यक्ष सुशील गौतमले मुख्य वक्ताका रूपमा आफ्ना विचार राख्नुभएको थियो ।
भेलाले प्रमोद धितालको संयोजकत्वा नौ सदस्यीय समिति गठन गरेको छ ।
समितिका सदस्यहरूमा मेघराज भट्टराई, विकास सी, तिलकराम विश्वकर्मा, पार्वती न्यौपाने र बुद्धिप्रकाश धिताल चयन हुनभएको छ ।
समितिको दुई स्थान हाललाई रिक्त राखिएको छ ।
भेलाको सञ्चालन प्रमोद धितालले गर्नुभएको थियो ।
