काठमाडौं । विपक्षी दलहरूले संघीय संसद्को दुवै सदनमा अवरोध जारी राख्ने निर्णय गरेका छन्।
शुक्रबार नयाँ बानेश्वरस्थित नेपाली कांग्रेसका सभापति शेरबहादुर देउवाको कार्यकक्षमा बसेको विपक्षी नेताहरूको बैठकले संसद्को गतिरोध जारी राख्ने निर्णय गरेको हो।
विपक्षी दलहरूले संसदको अवरोध कायमै राख्ने निर्णय गरेको राप्रपा प्रमुख सचेतक ज्ञानेन्द्र बहादुर शाहीले जानकारी दिए ।
प्रमुख प्रतिपक्षी दल नेपाली कांग्रेसले उपप्रधान एवं गृहमन्त्री रवि लामिछानेको समेत संलग्नता रहेको भन्दै संसद् अवरोध गर्दै आएको छ।
संसदीय छानबिन समितिको कार्यादेश (टीओआर) मा सहमति नजुट्दा कांग्रेसले अवरोध कायमै राखेको छ।
संसद बैठक स्थगित
यसैबीच प्रतिपक्षी दलको अवरोधपछि सभामुख देवराज घिमिरेले शुक्रबारको दैनिक कार्यसूचीमा रहेका सम्पूर्ण व्यहोरा हटाएर बैठक स्थगित गराएका छन्।
सभामुख घिमिरेका अनुसार, अर्को बैठक आगामी जेठ १३ गते बिहान ११ बजे बस्नेछ।
