चन्द्रा श्रीस, काठमाडौँ ।
गुल्मीको कालिगण्डकी गाउँपालिका वडा नं. ६ खड्गकोट थालुङ निवासी राष्ट्रिय जनमोर्चाका सदस्य मनबहादुर थापाको निधन भएको छ ।
लामो समयदेखि मुटुरोगको बिरामी रहेका ८४ वर्षीय थापाको २०८१ वैशाख १५ गते शनिबारका दिन आफ्नै निवासमा निधन भएको हो ।
राजमो केन्द्रीय सदस्य तथा लुम्बिनी प्रदेश सांसद तारा थापाको उपस्थितिमा वैशाख १६ गते घुमाउने घाटमा थापाको दाहासंस्कार गरिएको थियो ।
दाहासंस्कारअघि राजमो नेत्री थापाले मनबहादुरको पार्थिव शरीरमाथि राजमोको झण्डा ओढाउनु भएको थियो ।
दाहासंस्कारका क्रममा राजमो केन्द्रीय सदस्य तथा गुल्मी जिल्ला अध्यक्ष रामकुमार क्षेत्री, अखिल नेपाल युवक सङ्घ गुल्मीका अध्यक्ष भीमबहादुर थापा, राजमो गुल्मी जिल्ला सल्लाकार गंगा केसी, कालिगण्डकी– ६ का वडा अध्यक्ष पुरन थापा, राजमो कालिगण्डकी पालिका समितिका अध्यक्ष सूर्यबहादुर क्षेत्रीलगाएत राजमोका नेता कार्यकर्ता र स्थानीय बासीको उपस्थिति रहेको थियो ।
