काठमाडौँ । राष्ट्रिय योजना आयोगका उपाध्यक्ष डा. मीनबहादुर श्रेष्ठ नेतृत्वको नेपाली प्रतिनिधिमण्डल थाइल्यान्डको बैङ्कक प्रस्थान गरेको छ ।

एसिया प्यासिफिक फोरम अन सस्टेनेबल डेभलपमेन्ट कार्यक्रममा सहभागी हुन उपाध्यक्ष श्रेष्ठ नेतृत्वको टोली बैङ्कक प्रस्थान गरेको हो ।

उपाध्यक्ष श्रेष्ठ नेतृत्वको प्रतिनिधिमण्डलमा आयोगका सदस्य डा. रामकुमार फुयाल, सचिव डा. तोयनारायण ज्ञवाली, सहसचिव महेश भट्टराईलगायतको टोली रहेको छ ।

बैङ्ककस्थित संयुक्त राष्ट्र सङ्घको सम्मेलन केन्द्रमा फेब्रुअरी २० मङ्गलबारदेखि २३ शुक्रबारसम्म चल्ने कार्यक्रममा दीर्घकालिन सोचका लक्ष्यहरू १, २, १३, १६ र १७ को समीक्षासमेत हुँदै छ ।