खलङ्गा । प्युठानको झिमरुकमा अखिल नेपाल शिक्षक सङ्घको वडाभेला सम्पन्न भएको छ ।
राष्ट्रिय जनमोर्चा लुम्बिनी प्रदेश समितिका वासुदेव पोखरेलको प्रमुख आतिथ्य र अखिल नेपाल किसान महासङ्घ (अप्फा) का केन्द्रीय सचिव वीरबहादुर जिसीको विशेष आतिथ्यमा २०८० माघ १९ गते शुक्रबारका दिन झिमरुक वडा नं. ६ मा सो भेला सम्पन्न भएको हो ।
भेलाले यामबहादुर विष्ट अध्यक्ष रहनुभएको शिक्षक सङ्घको १५ सदस्यीय वडासमिति गठन गरेको छ ।
समितिको उपाध्यक्षमा बालाराम भट्टराई, महिला उपाध्यक्षमा टुका रिजाल, सचिवमा शरदकुमार जिसी, र कोषाध्यक्षमा मधु पोखरेल रहनुभएको छ ।
त्यस्तै सदस्यहरूमा यादवराज पोख्रेल, कविता जिसी, नरेन्द्र केसी, सम्झना अधिकारी, विष्णुकुमारी पोख्रेल, कमल नगरकोटी, मोहनजङ्ग कुँवर, मिनबहादुर पुन, बसन्ता सुनार र याचना खनाल रहनुभएको छ ।
शिक्षक सङ्घ झिमरुक गाउँपालिका समितिका उपाध्यक्ष पितम खड्काका अनुसार भेलामा वर्तमान परिस्थितिमा शिक्षकको हकहित र शिक्षक सङ्घको भूमिकाबारे प्रशिक्षण दिइएको थियो ।
