जकार्ता । पूर्वी इन्डोनेसियामा आइतबार चिनियाँ लगानीमा सञ्चालित निकेल (रसायन) प्रशोधन कारखानामा भएको विस्फोटमा परी कम्तीमा १२ जनाको मृत्यु हुनुका साथै ३९ जना घाइते भएका छन् ।
सुलावेसी टापुमा अवस्थित निकारागुआ निकेलको उत्पादनको लागि महत्त्वपूर्ण केन्द्र हो । विद्युतीय वाहनका लागि चाहिने ब्याट्री र स्टीलको लागि प्रयोग हुने महत्त्वपूर्ण धातु हो ।
‘पीटी इन्डोनेसियाको सिङसान स्टेनलेस स्टिल’ को प्लान्टमा स्थानीय समयअनुसार बिहान ५:३० बजे दुर्घटना भएको नगर परिसरका प्रवक्ताद्वारा जारी विज्ञप्तिमा उल्लेख छ ।
उहाँले भन्नुभयो– ‘अहिले मृत्यु हुनेको सङ््या १२ पुगेको छ भने घाइते हुनेको सङ्ख्या ५१ पुगेको छ ।’
सामान्य र गम्भीर घाइते भएका ३९ जनाको उपचार भइरहेको प्रवक्ता डेडी कुर्नियावानले बताउनुभयो ।
घटनामा सात इन्डोनेसियाली र पाँच विदेशी कामदारको मृत्यु भएको विज्ञप्तिमा उल्लेख छ ।
कुर्नियावानका अनुसार पाँचै जना विदेशी कामदार चिनियाँ नागरिक थिए ।
अधिकारीका अनुसार प्रारम्भिक अनुसन्धानमा भट्टीको मर्मतका क्रममा ज्वलनशील तरल पदार्थ प्रज्वलित हुँदा विस्फोट भएको र त्यसपछि नजिकैको अक्सिजन ट्याङ्कीमा पनि विस्फोट भएको देखिएको छ । आइतबार बिहानसम्म आगो पूर्ण रूपमा नियन्त्रणमा आइसकेको छ । (रासस/एएफपी)
