दिनेश रैदास, दाङ ।
सशस्त्र प्रहरी बल २९ नम्बर गण जिल्ला हेडक्वाटर ज्वालामाई भालुबाङ दाङले गए राति राजमार्ग गस्तीको क्रममा बिभिन्न सवारी साधन चेकजाँच गर्दा कृष्णनगर बोर्डरबाट भन्सार छलि गरी ल्याइएका रु १,६६,०००।– एक लाख छ्यासठ्ठी बराबरका सामान बरामद गरेको सो गणका गणपति एसपी गोपाल प्रसाद श्रेष्ठले जानकारी दिनुभयो ।

बरामद गरेको सामानमा चिनी ३५० केजी, सारी, लेडिज सुट, धोती र विभिन्न साइजका चप्पल रहेका छन् । बरामद भएका उक्त सामान थप अनुसन्धान र आवश्यक कारबाहीका लागि राजस्व अनुसन्धान भन्सार कार्यालय कृष्णनगर कपिलवस्तु पठाइएको गणपति श्रेष्ठले जानकारी दिनुभयो ।

सीमानाकाबाट भन्सार छली ठुलो मात्रमा लत्ताकपडा र खाद्यपदार्थ समेत ओसारप्रसार भइरहेको हुँदा गस्तीका टोली चौबिसै घण्टा सञ्चालन गरिएको उहाँलाई जानकारी दिनुभयो ।