कपिलवस्तु । बहुजन समाजवादी पार्टी कपिलवस्तुका जिल्ला सचिव रामचरण जयसवाल राष्ट्रिय जनमोर्चामा प्रवेश गर्नुभएको छ । राष्ट्रिय जनमोर्चाको नीति तथा कार्यक्रमबाट प्रभावित भएर आफू राजमोमा प्रवेश गरेको नेता जयसवालले बताउनुभयो ।

यसैगरी गत स्थानीय चुनावमा राप्रपाबाट वडा सदस्य उम्मेदवार बनेकी शिवराज नगरपालिका–३ माधवा निवासी मिना सुनार पनि राप्रपा परित्याग गरी राजमोमा प्रवेश गर्नुभएको छ । राष्ट्रिय जनमोर्चाको संघीयता विरुद्ध संघर्ष सही भएको हुँदा आफू राष्ट्रिय जनमोर्चामा प्रवेश गरेको मिनाले बताउनुभयो ।

संगठनात्मक अभियान अन्तर्गत चन्द्रौटामा आयोजित एक कार्यक्रममा राजमो नेता केरसिंह अदैले उहाँहरुलाई सदस्यता प्रदान गरी पार्टीमा स्वागत गर्नुभयो ।

कपिलवस्तुमा राष्ट्रिय जनमोर्चाको सदस्यता वितरण तथा संगठनात्मक अभियान तिब्र गतिमा अगाडि बढेको छ । यसै क्रममा शिवराज नगरपालिकाको चनौटा बजारमा राष्ट्रिय जनमोर्चाको भेला सम्पन्न भएको छ ।भेलाले तिलक गैरेको अध्यक्षतामा १५ सदस्सीय चन्द्रौटा बजार समिति गठन गरेको छ ।

समितिको उपाध्यक्ष भुवन खनाल, सचिव ज्योति लाल भुसाल, कोषाध्यक्ष कमला पुन, लगायत सदस्यहरु रहनु भएको छ । कार्यक्रममा राष्ट्रिय जनमोर्चा जिल्ला अध्यक्ष दधिराम आचार्य, किसान महासंघका केन्द्रीय उपाध्यक्ष शिव पौडेल, राजमो जिल्ला कोषाध्यक्ष चेतनारायण खनाल, नगर अध्यक्ष केरसिंह पुनले नव प्रवेशी तथा नव निर्वाचित पदाधिकारीहरुलाई बधाई दिनु भएको थियो ।

यसैगरी शिवराज नगरपालिका वडा नं ३ माधव कर्मादि टोलमा राजमोको टोल समिति गठन गरिएको छ । रामकुमार थारुको अध्यक्षतामा १३ सदस्सीय समिति गठन गरिएको हो । समितिको उपाध्यक्षमा कमला सुनार, सचिव श्यामकलि पु , कोषाध्यक्ष रामी कुमारी केसी लगायत रहनु भएको छ ।

अभियानमा राष्ट्रिय जनमोर्चा जिल्ला परिचालन समिति सदस्य केर सिंह अदै, राजमो जिल्ला कोषाध्यक्ष चेतनारायण खनाल, मूल प्रवाह अखिल भारत नेपाली एकता समाजका केन्द्रीय सदस्य नारायण शर्मा, राजमो नगर अध्यक्ष केर सिंह पुन, सचिव नारायण खनाल, माइत बहादुर सुनार, छन्द बहादुर केसी लगायत नेताहरुको सहभागिता रहेको थियो ।

दुई वर्षपछि कांग्रेस छोडेर मूल घर राजमोमै फर्किए रहिस र गौरी

नेकपा वडाअध्यक्ष र सदस्यका उम्मेदवारसहित सयौं जना राजमो प्रवेश

 राजमो कपिलवस्तुको संगठनात्मक अभियान सदस्यता वितरणसँगै सुरु