नेपालगञ्ज । बाँकेका ३५ अतिरिक्त हुलाक कार्यालय र चार इलाका हुलाक कार्यालय यही साउनबाट बन्द हुने भएका छन् ।
जिल्लामा ११ इलाका हुलाक कार्यालय रहेकोमा एक स्थानीय तहमा एक इलाका हुलाक रहने र नेपालगञ्जमा जिल्ला हुलाक कार्यालय भएकाले अन्य बन्द हुने जिल्ला हुलाक कार्यालयका प्रमुख गोविन्द पाण्डले जानकारी दिनुभयो ।
सरकारले प्रस्तुत गरेको बजेटमा अतिरिक्त हुलाक कार्यालय खारेज गर्ने निर्णयसँगै जिल्लाका अतिरिक्त र इलाका हुलाक कार्यालय बन्द हुन लागेका हुन् ।
जिल्लाको नरैनापुर, कोहलपुर नगरपालिका, राप्तीसोनारी गाउँपालिका, खजुरा गाउँपालिकालगायतका सबै स्थानीय तहमा अतिरिक्त हुलाक कार्यालय र इलाका हुलाक कार्यालय थिए । ती कार्यालयबाट हुलाकमार्फत आउने चिठिपत्र गाउँघरमा लैजाने काम भएको थियो तर पछिल्लो समय प्रविधिमा भएको विकासले ती काम विरलै हुँदै आएका छन् ।
‘सरकारले औचित्य नदेखेर नै ती कार्यालय बन्द हुन लागेका हुन्’ प्रमुख पाण्डले भन्नुभयो ।
उहाँले एक स्थानीय तहमा एक इलाका हुलाक रहने प्रबन्ध भएकोसमेत जानकारी दिनुभयो । विसं ३०३४ देखि अतिरिक्त हुलाक कार्यालयको सुरुआत भएको थियो ।
जिल्लामा करिब एक सय कर्मचारी । साउनदेखि उनीहरूलाई सेवासुविधा दिएर घर पठाउने सरकारको योजना छ । (रासस
