रामबहादुर चमार, कपिलवस्तु ।
राष्ट्रिय जनमोर्चा कपिलवस्तुले भारतको संसद भवनमा नेपाली भूभाग समेटेर नक्सा राखेको भन्दै विरोध गरेको छ ।
नवउद्घाटित संसद भवनमा नेपालको कपिलवस्तु, लुम्बिनी र विराटनगरसहितका भू–भाग सम्मिलित गरी राखिएको नक्सा हटाउन माग गर्दै आज कपिलवस्तुमा पनि राजमोले विरोध गरेको हो ।
खरेन्द्रपुरमा आयोजित कार्यक्रमलाई सम्बोधन गर्दै राजमोका जिल्ला सल्लाहकर तथा अखिल नेपाल ट्रेड युनियन महासंघ (अन्तुक) का केन्द्रीय सदस्य केरसिंह अदैले हालै भारतले लुम्बिनी कपिलवस्तुलाई भारतीय नक्सामा राखी संसद भवनमा राखेको प्रति अपत्ति प्रकद गर्दै भारतीय हस्तक्षेपको कदा रूपमा विरोध गर्नुभयो ।
उहाँले भारतीय दादागरीले सीमा नाघेको बताउनु भयो । नेता अदैले भारतीय साम्राज्यवादको नाङ्गो हस्तक्षेपको विरुद्व नेपाली जनता उठ्नु पर्ने बेला आएको बताउँदै नेपालको राष्ट्रियता माथि बारम्बार हस्तक्षेप बढाउँदै जाँदा पनि ठूला दलका नेता मौन बस्नु दुखद भएको बताउनुभयो ।
उहाँले नेपाल माथि अमेरिका र भारतले एकै चोटि हस्तक्षेप बढाएको हुँदा अब राष्ट्र बचाउन नेपाली जनता नउठे देश छिटै गुलाम हुने र देशले युद्व बेहोर्नु पर्ने बताउनुभयो ।
एमसीसी, संघीयता, भष्टाचारको बारेमा बोल्दै राष्ट्रिय जनमोर्चा ले सधै संघर्ष जारी राखेको बताउनुभयो । राजमोका जिल्ला कोषाध्यक्ष चेटनारायणको सञ्चालनबाट कार्यक्रम अघिबढेको थियो ।
