पुष्कर भट्ट, महेन्द्रनगर ।
कञ्चनपुरमा राष्ट्रिय जनमोर्चाको संगठनात्मक अभियान जिल्लाब्यापी रुपमा अघि बढिरहेको छ । त्यस क्रममा गाउँ गाउँमा सदस्यता वितरण, संगठन निर्माण, प्रशिक्षण भेलाहरु सम्पन्न भएका छन् ।

अभियानका क्रममा विभिन्न पार्टी परित्याग गरी राजमोमा प्रवेश गर्ने क्रमसमेत चलेको छ । बेलौरी क्षेत्रमा तत्कालिन नेकपा (एमाले) बाट बझाङमा निर्वाचित पूर्व वडाअध्यक्ष मदन दमाई राजमोमा प्रवेश गर्नुभएको छ । यता गत स्थानीय निर्वाचनमा भीमदत्त नगरपालिका वडा नं ११ भुजेलामा नेपाली कांग्रेसबाट वडासदस्यका उम्मेदवार जानकी सुनार पनि राजमोमा प्रवेश गर्नुभएको छ ।

बेलौरी क्षेत्रमा तराई मधेश जनवादी मोर्चाका महासचिव राजाराम चौधरीको नेतृत्वमा अखिल नेपाल जनजाती सम्मेलनका जिल्ला संयोजक राजकुमार चौधरीलगायत नेताहरु सहभागी टिमबाट अभियान अघि बढिरहेको छ । दक्षिणी क्षेत्रमा अखिल नेपाल जनजाती सम्मेलनका महासचिव रामबहादुर बुढा अभियानमा सामेल हुनुहुन्छ ।

यस्तै, महेन्द्रनगर क्षेत्रमा राजमो जिल्ला अध्यक्ष रामबहादुर कार्कीको नेतृत्वमा उपाध्यक्ष मञ्जु परियार, सहसचिव लालबहादुर कुँवरलगायत सामेल हुनुहुन्छ । उत्तरी क्षेत्रमा राजमो केन्द्रीय सदस्य मनोज भट्ट अभियानमा सामेल हुनुहुन्छ । यस्तै, अन्य स्थानीय तहमा पनि नेता कार्यकर्ताहरु परिचालित छन् ।

अभियानकै क्रममासोमबार बेलौरी नगरपालिका वडा नं ९ को खजुवा टोलमा सम्पन्न भेलाले मथुरा दमाई (क) को अध्यक्षतामा टोल समिति गठन गरेको छ । समितिको सचिवमा रामबहादुर विक, कोषाध्यक्षमा मथुरा दमाई (ख), सदस्यहरुमा हस्तबहादुर विष्ट र शेरबहादुर दमाई रहनुभएको छ ।

यस्तै, वडा नं ९ कै कुण्डामा शनिबार सम्पन्न भेलाले फालुराम चौधरीको अध्यक्षतामा १९ सदस्यीय टोल समिति गठन गरेको छ । समितिको उपाध्यक्षमा अमिता चौधरी, सचिव भुवन चौधरी, सहसचिव हिरा चौधरी र कोषाध्यक्ष शान्ति चौधरी रहनुभएको ।

पूर्ण सदस्यहरुमा बजकसमार चौधरी,रामबहादुर चौधरी,सरस्वती चौधरी,धनी चौधरी रहनुभएको छ भने वैकल्पीक सदस्यहरुमा पर्शुराम चौधरी,गोमती चौधरी,श्रीमा चौधरी,बृजुराम चौधरी,छोटकनिया चौधरी,नरेन्द्र चौधरी रहनुभएको छ ।

यता, पुनर्वास नगरपालिकाको समता टोलमा सदस्यता वितरण गरिएको छ । अखिल नेपाल ट्रेड युनियन महासंघ (अन्टुक) का सुदूरपश्चिम संयोजक जनक कुवँर र राजमो कञ्चनपुरका नेता हरि लम्सालको उपस्थितिमा टोलभरी नै सदस्यता वितरण गरिएको थियो ।

यस्तै, जिल्लाको शुक्लाफाँटा १२ बसन्तपुरमा ८५ वर्षीय पति बोहरालाई सदस्यता प्रदान गरि अभियानको सुरुवात गरिएको थियो । सो वडामा भेला गरी वडा समिति गठन गरिएको छ । भेलाले अध्यक्षमा मान बहादुर पुजारा, उपाध्यक्ष देवराज भट्ट, सचिवमा सरस्वती विष्ट कार्कि र सहसचिवमा प्रदिप भण्डारी लगायत ११ सदस्यीय वडा समिति चयन गरेको छ।

कार्यक्रम नगर समिति सदस्य टुङ्गे बोहराको अध्यक्षता र नगर सदस्य मान बहादुर गुजाराले सञ्चालन गरेको भेलामा राजमो केस मनोज भट्ट, र जिल्ला अध्यक्ष रामबहादुर कार्कीले सम्बोधन गर्नुभएको थियो ।

कञ्चनपुरको बेलौरीमा राजमोको सदस्यता वितरण तिब्र

कञ्चनपुरका गाउँ गाउँमा राजमोको सदस्यता वितरण

नवप्रवेशीलाई सदस्यता वितरण गर्दै संगठनात्मक अभियान सुरु

सुदूरपश्चिममा सुरु भयो संगठनात्मक अभियान

राजमो कञ्चनपुरले बनायो एक महिने संगठनात्मक अभियानको खाका