खलङ्गा । राष्ट्रिय जनमोर्चा प्युठानको छैटौँ जिल्ला सम्मेलनको पूर्वसन्ध्यामा नौबहिनी गाउँपालिका वडा नं ८ लुप्लुङको प्रथम सम्मेलन सम्पन्न भएको छ ।
राजमो केन्द्रीय सदस्य नारायण जिसीको प्रमुख आतिथ्यमा २०७९ चैत १८ गते शनिबार सो सम्मेलन सम्पन्न भएको हो ।
हेमन्तराज भण्डारीको अध्यक्षता तथा पोमनारायण भण्डारीको सञ्चालनमा अघि बढेको सम्मेलनमा उपस्थित सहभागीलाई स्वागत हुमलाल भण्डारीले गर्नुभएको थियोे ।
राजमो नौबहिनीका अध्यक्ष नारायण भण्डारीले नवनिर्वाचित समितिको घोषणा गर्नुभएको थियो । समितिमा अध्यक्ष हेमन्तराज भण्डारी, उपाध्यक्ष खिमा भण्डारी, सचिव शिवराज भण्डारी, सहसचिव माया अधिकारी भण्डारी र कोषाध्यक्ष डेमलाल भण्डारी रहनुभएको छ ।
त्यस्तै, सदस्यहरूमा सावित्रा भण्डारी, सरस्वता भण्डारी, बिस्ना भण्डारी, हुमादेवी भण्डारी र माया विक तथा सल्लाहकारमा पोमनारायण भण्डारी, नारायण भण्डारी, हुमलाल भण्डारी र सीता भण्डारी रहनुभएको छ ।
सम्मेलनमा किसान नेता डेमलाल भण्डारी, महिलानेतृ हुमादेवी भण्डारी र मूल प्रवाह अखिल भारत नेपाली एकता समाजका निमाराम भण्डारीको पनि आतिथ्य रहेको थियोे ।
वडा नं ७ पनि सम्मेलन
सोही दिन वडा नं ७ को पनि भेला सम्पन्न भएको छ ।
राजमो केन्द्रीय सदस्य नारायण जिसीको विशेष उपस्थिति तथा राजमो पालिका अध्यक्ष नारायण भण्डारीको अध्यक्षतामा सम्मेलन सम्पन्न भएको हो ।
सम्मेलनले कुम्भसिंह बुढाको अध्यक्ष रहनुभएको ११ सदस्यीय राजमोको वडासमिति गठन गरेको छ । समितिको उपाध्यक्षमा निमलाल पुनमगर, सचिवमा रेशम बुढाथोकी, सहसचिवमा पनिकला बुढा, कोषाध्यक्षमा ईश्वरी बुढा तथा सदस्यहरूमा नरिश्वर पुनमगर, बुकमान पुनमगर, बेली गुरुङ, जाले गुरुङ, मीना घर्तीमगर र नन्दबहादुर गुरुङ रहनुभएको छ ।
राजमो प्युठानले जिल्ला सम्मेलनको तयारीस्वरूप सङ्गठनात्मक गतिविधिलाई तीव्र पार्दै लगिरहेको छ ।चैतभित्र वडा भेला वा सम्मेलन गरिसक्ने कार्यतालिकाअनुसार सो कार्यक्रम सम्पन्न भइरहेका छन् ।
