काठमाडौं । पुष्पकमल दाहाल प्रचण्ड प्रधानमन्त्री बनेकोमा अमेरिकाले बधाई दिएको छ ।
नेपालका लागि अमेरिकी राजदूत डीन आर थम्पसनले ट्वीटमार्फत प्रचण्डलाई बधाई दिएका हुन् ।
‘उनको प्रधानमन्त्री नियुक्तिमा हाम्रो ७५ वर्षीय साझेदारीलाई अझ बलियो बनाउन र लोकतन्त्र, मानव अधिकार, र आर्थिक वृद्धिलाई समर्थन गर्न सँगै काम गर्न तत्पर छौं’ बधाई सन्देशमा भनिएको छ ।
प्रचण्ड हिजो आइतबार नेकपा (एमाले) सहित सात दलको समर्थनमा प्रधानमन्त्री नियुक्त भएका हुन् । प्रचण्डले आज अपरान्ह ४ बजे शपथ लिँदैछन् ।
यसअघि उनलाई चीनले हिजै बधाई दिइसकेको छ ।
Congratulations to @cmprachanda on his appointment as PM. Looking forward to further strengthening our 75-yr partnership & working together to support democracy, human rights, and economic growth.
— U.S. Ambassador Dean R. Thompson (@USAmbNepal) December 26, 2022
