किभ । युक्रेनको राजधानी किभसहित कैयौँ युक्रेनी सहरहरूमा सोमबार भएका क्षेप्यास्त्र हमलामा परी कम्तीमा पाँच व्यक्तिको मृत्यु हुनुको साथै अन्य १२ घाइते भएका राष्ट्रिय प्रहरी स्रोतले जानकारी दिएको छ ।
रुसले किभमा ठुला हमला गरेको र अधिकांश क्षेप्यास्त्र राजधानीको केन्द्रमा परेको जनाइएको छ । पाँच जनाको मृत्यु हुनुको साथै १२ जना घाइते भएका राष्ट्रिय प्रहरी सेवाले फेसबुकमार्फत एक विज्ञप्तिमा जानकारी दिएको छ । मस्कोले जोड्ने पुलमा विस्फोटको लागि युक्रेनलाई दोष लगाएको एक दिनपछि यस प्रकार क्षेप्यास्त्र प्रहार भएको जनाइएको छ ।
देशका धेरै सहरमा क्षेप्यास्त्र आक्रमणको चपेटामा रहेका र जनतालाई आश्रयमा बस्न युक्रेनका राष्ट्रपति कार्यालयका उपप्रमुख किरिलो टिमोसेन्कोले सामाजिक सञ्जालमा आह्वान गर्नु भएको छ । किभमा रहेका एएफपी संवाददाताले स्थानीय समयानुसार सोमबार बिहान ८:१५ बजे ठुला विस्फोट भएको बताएका छन् ।
एक क्षेप्यास्त्र बालबालिकाको खेल मैदाननजिकै अवतरण भएको एएफपी पत्रकार जानकारी दिएका छन् । त्यो स्थानमा रहेको ठुलो खाडलबाट धुवाँ निस्किरहेको जनाइएको छ । युक्रेनको राजधानीमा रुसी आक्रमण जारी रहेको र सहरको केन्द्रमा क्षेप्यास्त्र प्रहार भएका मेयर भिटाली क्लिट्स्कोले सामाजिक सञ्जालमा भन्नुभएको छ । (रासस/एएफपी)
