जेनेभा । संयुक्त राष्ट्र सङ्घले पाकिस्तानलाई सहयोग गर्न आग्रह गरेको छ ।
पाकिस्तानमा हालैको वर्षा र बाढीबाट ठुलो जनधनको क्षति भएकाले पाकिस्तानका लागि सहयोग उपलब्ध गराउन संयुक्त राष्ट्रसङ्घीय महासचिव महासचिव एन्टोनियो गुटरेसले विश्व समुदायलाई आग्रह गर्नुभएको हो ।
उहाँले पाकिस्तानको सहयोगका लागि आवश्यक पर्ने गरी एक दाता सम्मेलनको तयारीमा संयुक्त राष्ट्र सङ्घ लागेको बताउनुभयो । उहाँले भारी वर्षा र बाढीका कारण पाकिस्तानमा पुगेको क्षतिको मापन गरिएको र पाकिस्तानमा पुननिर्माण र यहाँका पीडितको पुनस्र्थापनाका लागि दाता सम्मेलन आयोजना गरिने जानकारी पनि दिनुभयो ।
उहाँले शुक्रबार संयुक्त राष्ट्रसङ्घीय महासभालाई सम्बोधन गर्ने क्रममा सो अभिव्यक्ति दिनुभएको हो । पाकिस्तानको सहयोगका लागि उहाँले संयुक्त राष्ट्रसङ्घीय महासभामा एक प्रस्ताव पनि प्रस्तुत गर्नुभएको बताइएको थियो । सो प्रस्तावलाई महासभाले पारित गरेको छ ।
सो प्रस्तावमा विश्वका विभिन्न देश तथा दातालाई पाकिस्तानको सहयोगका लागि अपिल गरिएको छ । यस वर्षको मनसुनले पाकिस्तानमा ठुलो क्षति पु¥याएको छ । यहाँ सो मनसुनी वर्षाले एक हजार सात सय जनाभन्दा बढीको ज्यान गएको छ भने अरू हजारौँ व्यक्ति घाइते भएका छन् । (रासस/सिन्ह्वा)
