कोलम्बो । श्रीलङ्काका प्रधानमन्त्री रनिल विक्रमासिङ्घेले वर्तमान आर्थिक सङ्कटबाट देशलाई बचाउन छिट्टै संसद्मा मार्गचित्र प्रस्तुत गर्नुहुने भएको छ।
प्रम विक्रमासिङ्घेले वर्तमान आर्थिक अवस्थाबारे छलफल गर्न बिहीबार राति भेटेका सांसद्हरूबाट प्रस्ताव र सुझाव लिएर यो रोडम्याप बनाइने बताएको छ ।
बिहीबार राति अर्थ मन्त्रालयका सचिव महिन्द्रा सिरिवर्धनाले वर्तमान आर्थिक सङ्कटबाट बच्न सरकारको अल्पकालीन र मध्यकालीन रणनीतिबारे सांसदहरूलाई जनाकारी दिनुभएको थियो ।
पछिल्लो समय श्रीलङ्का स्वतन्त्र भएपछि सबैभन्दा गम्भीर आर्थिक सङ्कटको सामना गरिरहेको छ । देशको सरकारी इन्धन वितरक सिलोन पेट्रोलियम कर्पोरेसनले आफूसँग पाँच हजार मेट्रिक टन मात्रै पेट्रोल रहेको र यसरी दैनिक पाँच सय मेट्रिक टन मात्रै ग्याँस पसलमा निकासी हुने गरेको बताएको छ । श्रीलङ्कामा यतिखेर हाल चरम इन्धन सङ्कट छ । (रासस–सिन्ह्वा)
