खिमबहादुर विक, खलङ्गा ।
झिमरुक गाउँपालिका–४ पोखरीमा जातीय समता समाजको टोल समिती गठन गरिएको छ ।
समता समाज लुम्बिनी प्रदेश सदस्य एवम् प्युठान जिल्ला कोषाध्यक्ष विनोदकुमार विक र मूल प्रवाह अखिल भारत नेपाली एकता समाजका केन्द्रीय सदस्य खिमबहादुर विकको उपस्थितिम तथा गोमा विकको विशेष पहलमा सो समिति गठन गरिएको हो ।
स्थानीय पोखरी स्कुल मैदानमा सम्पन्न भेलामा विनोदकुमार विक, खिमबहादुर विक, इन्द्रबहादुर पुन र गोमा विकको अतिथि आसन ग्रहणपछि सहिदको सम्मानमा एकमिनेट मौनधारण गरिएको थियो ।
भेलामा समता समाजको नीति, सिद्धान्त र सङ्गठन तथा समसामयिक विषयमा खिमबहादुर विक र विनोदकुमार विकले प्रष्ट पार्नुभएको थियो ।
भेलामा ४ नम्बर वडाका जनप्रतिनिधिहरू इन्द्रबहादुर पुन र दलित महिला जनप्रतिनिधि गोमा विकले पनि सम्बोधन गर्नुभएको थियो ।
भेला जुद्धबहादुर नेपालीको अध्यक्षता, तुलबहादुर नेपालीको सञ्चालन तथा बिमला नेपालीको स्वागत मन्तव्यका साथ सम्पन्न भएको थियो ।
भेलाले तुलबहादुर नेपालीको अध्यक्षतामा टोल समिति गठन गरेको छ । समितिको सचिवमा सुशिला नेपाली, कोषाध्यक्षमा माया नेपाली र सदस्यहरूमा लीला नेपाली, जुद्धबहादुर नेपाली, सीता नेपाली, बिमला नेपाली, कमला नेपाली र जबुना नेपाली रहनुभएको छ भने सदस्यको दुई स्थान अहिलेलाई रिक्त राखिएको छ ।
