किभ (युक्रेन) । युक्रेनले १० ओटा विमानद्वारा संयुक्त राज्य अमेरिकाबाट ८० टन हतियार प्राप्त गरेको युक्रेनका रक्षामन्त्री ओलेक्सी रेज्निकोभले बुधबार ट्विटमा उल्लेख गरेका छन् ।
‘आज बोरिस्पिल एयरपोर्टमा खुला दिन हो’ थोरै हँसिलो मुद्रामा उनले भने– ‘संयुक्त राज्य अमेरिकाको नवौँ चरापछि, दशौँ चरा (विमान) उडेको र ८० टनभन्दा बढी बारुदसहितका हतियार भित्रिएको छ ।’
समग्रमा, अमेरिकाले हतियारका ४५ विमानहरू आपूर्ति गर्ने योजना बनाएको युक्रेनी सेनाको आर.बी.एस.–युक्रेनको स्रोतले उल्लेख गरेको छ ।
युक्रेन वरपरको अनिश्चित अवस्था हालैका हप्तामा बिग्रिएको छ, जसमा अमेरिका र ई.यू. ले युक्रेनी सीमामा रुसी सैन्य निर्माणमा चिन्ता व्यक्त गरेका छन् र नाटोले सहयोगीलाई किभको लागि आफ्नो सैन्य समर्थन बढाउन आग्रह गरेको छ ।
यस विषयमा संयुक्त राज्य अमेरिका र अन्य आपूर्तिकर्तासँग वार्ता गर्दै गर्दा युरोपेली युनियनले रुसको ऊर्जा आपूर्तिमा वृद्धि हुने अवस्थामा युरोपमा हुने सम्भावित अवरोधप्रति चिन्ता व्यक्त गरेको छ ।
रुसले आफ्नो छिमेकीलाई आक्रमण गर्न खोजेको आरोपलाई लगातार अस्वीकार गरेको छ । युक्रेन समस्याको शान्तिपूर्ण समाधानको प्रयासमा बाधा पुर्याउने क्रममा रुसी सिमानाहरू नजिक नाटोको सैन्य गतिविधिले यसको राष्ट्रिय सुरक्षालाई खतरामा पारेको कुरा औँल्याएको छ । (रासस–एएनआई: स्पुतनिक)
