शुक्रराज भण्डारी, दाङ ।
अखिल नेपाल महिला सङ्घ र अखिल नेपाल युवक सङ्घ तुलसीपुर नगरको संयुक्त भेला २०७८ भदौ ५ गते शनिवार राप्ती शान्ति उद्यान तुलसीपुरमा सम्पन्न भएको छ ।

कार्यक्रममा प्रमुख अतिथि राष्ट्रिय जनमोर्चाका केन्द्रीय सदस्य कमला जिसीले समाजको रूपान्तरणका लागि युवा र महिलाको महत्त्वपूर्ण भुमिका रहेको बताउनुभयो । युवा र महिलाको योगदानका कारण नै गणतन्त्र, लोकतन्त्र, धर्म निरपेक्षताजस्ता उपलब्धि प्राप्त भएको बताउँदै उहाँले अझै पनि जनताको वास्तविक अधिकारका लागि सङ्गठित हुनुपर्ने आवश्यकतामा जोड दिनुभयो ।

कार्यक्रममा राष्ट्रिय जनमोर्चाका वैकल्पिक केन्द्रीय सदस्य तथा दाङ जिल्लाध्यक्ष गणेश आचार्यले राजनीति निस्वार्थ देश र जनताको पक्षमा हुनुपर्ने बताउनुभयो । देशको राजनीति व्यक्तिगत तथा दलगत स्वार्थकेन्द्रित भएको बताउँदै राष्ट्रिय जनमोर्चाले स्वार्थभन्दा माथि उठेर देश, जनता र राष्ट्रको पक्षमा राजनीति गरेको बताउनुभयो ।

भेलामा राष्ट्रिय जनमोर्चाका जिल्ला सचिवालय सदस्य शुक्रराज भण्डारी र राजमोकै पूर्वजिल्ला उपाध्यक्ष ईश्वरीप्रसाद भण्डारीले समेत प्रशिक्षणात्मक मन्तव्य राख्नु भएको थियो ।

भेलाले निमा रेग्मीको अध्यक्षतामा ११ सदस्यीय तुलसीपुर उपमहानगरपालिका नगर समितिको चयन गरेको छ । समितिको उपाध्यक्षमा मोती भण्डारी, सचिवमा शान्ता खनाल, कोषाध्यक्षमा छमा भण्डारी र सहसचिवमा कमला केसी चयन हुनुभएको छ । त्यसैगरी सदस्यमा रत्ना पोख्रेल, सीता भण्डारी, मोती विक, हेमा केसी, पार्वती भुसाल र विष्णा पौडेल रहनुभएको छ । भेलाले सल्लाहकारमा पवित्रा रिजाल, पवा भण्डारी, डिमा भण्डारी, भिमादेवी भुसाल र गोमा भण्डारीलाई चयन गरेको छ ।

त्यसैगरी भेलाले युवक सङ्घ तुलसीपुर उपमहानगरपालिका नगर समितिको गठन भएको छ । विजय सुवेदीको अध्यक्षतामा गठित नगर समितिको उपाध्यक्षमा प्रतिभा गिरी, सचिवमा प्रभात भण्डारी, सहसचिवमा सन्तोष भण्डारी र कोषाध्यक्षमा एकराज रिजाल चयन हुनुभएको छ । त्यस्तै सदस्यमा अरुण पोख्रेल, गिरबहादर जिसी, देवेन्द्र अधिकारी, नारायण परियार, शेखर घर्ती र भास्कर रानामगर रहनुभएको छ । एवम् प्रकारले नगर सल्लाहकारमा जनक भण्डारी, गणेश केसी र भविश्वर खनाल चयन हुनुभएको छ ।

उक्त संयुक्त भेलाले महिला सङ्घ तुलसीपुर उपमहानगरपालिका वडा नं. ७ को वडा समितिसमेतको गठन गरेको छ । छमा भण्डारीको अध्यक्षतामा गठित १९ सदस्यीय वडा समितिको उपाध्क्षमा सीता भण्डारी, सचिवमा नारायणी नेपाली, सहसचिवमा कृष्णा भण्डारी र कोषाध्यक्षमा सावित्रा पोख्रेल चयन हुनुभएको छ । त्यसैगरी सदस्यमा कमला भण्डारी, धना भण्डारी, रियासा तिवारी, हेमा भण्डारी, मेनका केसी, दोमन्ता वली, लीला भण्डारी, लक्ष्मी रिजाल, विष्णा रिजाल, कृष्णा खनाल, मोती भण्डारी र माधवी केसी रहनुभएको छ ।

युवक सङ्घका दाङ जिल्ला सहसचिव जनक भण्डारीको स्वागत मन्तब्यबाट सुरु भएको उक्त भेलाको सञ्चालन युवक सङ्घका नगर सचिव विजय सुवेदीले गर्नुभएको थियो ।