तौलिहवा, केरसिंह अदै ।।
राष्ट्रिय जनमोर्चा कपिलवस्तु र दाङ जिल्ला समितिको संयुक्त आयोजनामा २०७८ साउन २३ गते कपिलवस्तुको शिवपुरमा उमाकुमारी खत्रीको श्रद्धाञ्जली सभा सम्पन्न गरिएको छ ।
मृतकी साइलो छोरा नरबहादुर केसीको अध्यक्षतामा अघि बढेको सो कार्यक्रममा प्रमुख अतिथि राजमोका केन्द्रीय सदस्य तथा दाङ जिल्लाध्यक्ष गणेश आचार्य हुनुहुन्थ्यो । शोकमन्तव्य राख्दै उहाँले उमाकुमारी खत्री कम्युनिस्टहरू अगाडि बढेको देख्न चाहने सहयोगी आमा भएको बताउनुभयो ।
कार्यक्रममा राजमो कपिलवस्तुका अध्यक्ष दधिराम आचार्य, नेकपा (मसाल) कपिलवस्तुका प्रवक्ता छविलाल गैरे, अखिल नेपाल युवक सङ्घका पूर्वकेन्द्रीय अध्यक्ष काशीनाथ पोखरेल, नेकपा (माओवादी–केन्द्र) का शिवराज नगर अध्यक्ष दिनेश पुन र शिवराज नगरपालिका वडा नं. १ का अध्यक्ष जगत्बहादुर जिसीले शोकमन्तव्य राख्नुभएको थियो ।
उमाकुमारीको जीवनी, केसी परिवारको कम्युनिस्ट आन्दोलनप्रति योगदानबारेमा राइलो छोरा छन्दबहादुर केसीले प्रकाश पार्नुभएको सो कार्यक्रममा अखिल नेपाल किसान महासङ्घका केन्द्रीय उपाध्यक्ष शिव पौडेल, केन्द्रीय कोषाध्यक्ष प्रेमनारायण आचार्य, प्रगतिशील पत्रकार सङ्घ नेपालका केन्द्रीय उपाध्यक्ष महेश रिजाल, अखिल नेपाल बुद्धिजीवी सङ्घका केन्द्रीय सदस्य केशवराज खनाल, अखिल नेपाल शिक्षक सङ्घका प्रतिनिधि डिलाराम पौडेल, अखिल नेपाल उद्योग व्यापार सङ्घ दाङका अध्यक्ष जगत् पोख्रेल, अखिल नेपाल कानुन व्यवसायी सङ्घका केन्द्रीय सदस्य कृष्ण आचार्य, किसान सङ्घ दाङका उपाध्यक्ष माधव आचार्य र शिवराज नगरपालिका उपप्रमुख शिवकुमारी चौधरीको पनि आतिथ्यता रहेको थियो ।
कार्यक्रम सञ्चालन केरसिंह अदैले गर्नुभएको थियो ।
स्मरण रहोस्, मृतककी साइलो छोरा नरबहादुर केसी राजमो दाङका संस्थापक अध्यक्ष र हाल जिल्ला सल्लाहकार हुनुहुन्छ भने राइलो छोरा छन्दबहादुर केसी राजमो कपिलवस्तुका पूर्व सदस्य तथा हाल सल्लाहकार र अखिल नेपाल बुद्धिजीवी सङ्घका जिल्ला सदस्य हुनुहुन्छ । त्यस्तै, माइलो छोरा सिद्धिमान केसी राजमोका सदस्य, अखिल नेपाल ट्रेड युनियन महासङ्घ (अन्टुक) कपिलवस्तु का पूर्वअध्यक्ष तथा हाल सल्लाहकार हुनु हुन्छ ।
त्यसैगरी, अन्य भाइहरू पनि सबै कम्युनिस्ट वामपन्थी समर्थक हुनुहुन्छ । उहाँहरूका बुबा निमबहादुर खत्री ९५ वर्षको हुनुहुन्छ ।
कम्युनिस्ट आन्दोलनप्रति योगदान गर्नुभएका खत्री प्युठान ओखरकोटबाट दाङ झर्नुभएको थियो ।
