काठमाडौं । नेकपा (एमाले) को माधवकुमार नेपाल पक्षका सांसदहरुले प्रधानमन्त्री केपी ओलीलाई विश्वासको मत नदिने भएका छन् । आज हुन लागेको मतदानमा पार्टी अध्यक्षसमेत रहेका प्रधानमन्त्री केपी शर्मा ओलीलाई विश्वासको मत नदिने निर्णय गरिएको नेता भीम रावलले बताउनुभयो ।

उहाँले सामुहिक राजीनामा दिने निर्णयबाट पछि नहटेको स्पष्ट पार्दै आजको बैठकमा आफ्नो पक्षका २२ सांसद अनुपस्थित हुने जानकारी दिनुभयो ।

‘हामीले प्रधानमन्त्रीलाई विश्वासको मत नदिने निर्णय भएको छ। आजलाई यति नै पर्याप्त छ,’ नेपाल समूहको छलफल पछि नेता रावलले सञ्चारकर्मीलाई भन्नुभयो, ‘राजीनामाको योजनबाट हामी पछि हटेका छैनौं ।’

सामुहिक राजीनामा दिने तयारीमा नेपाल-खनाल पक्षका सांसद