नवलपरासी । राष्ट्रिय जनमोर्चा नवलपरासीले ‘संघर्ष र संगठन अभियान’ जारी राखेको छ । अभियान अन्तरगत सुस्ता र सुनवलमा राजमोको संगठन निर्माण भएको छ ।
परिचालन समिति क्षेत्र नं– १ को आयोजनामा सुस्ता गाउँपालिकाको भेला सम्पन्न भएको छ । भेलाले राजेन्द्रप्रसाद अर्यालको अध्यक्षतामा सात सदस्यीय गाउँपालिका स्तरीय समिति गठन गरेको छ । समितिको उपाध्यक्षमा वेदप्रसाद भण्डारी, सचिव ताराप्रसाद रेग्मी र कोषाध्यक्षमा सोमनाथ भण्डारी चयन हुनु भएको छ । सदस्यहरुमा दुर्गाप्रसाद रेग्मी, कृष्णप्रसाद शर्मा कँडेल र लिलाकण्ठ ढकाल रहनुभएको छ ।
भेलालाई राजमो जिल्ला सल्लाहकार तथा रक्तिम सांस्कृतिक अभियानका केन्द्रीय अध्यक्ष रेम रानाले सम्बोधन गर्दै सफलताको शुभकामनाका दिनुभएको थियो । त्यस क्रममा उहाँले समसामयिक विषयमा प्रशिक्षणसमेत दिनु भएको थियो ।
यस्तै, राजमो बर्दघाट नगरपालिका उपाध्यक्ष गणेश आचार्यले नवनिर्वाचित पदाधिकारीलाई बधाई तथा शुभकामना दिनु भएको थियो ।
त्यस्तै, सुनवल–६ को बिशासय गोलघाटमा राजमोको टोल समिति गठन भएको छ । ‘संघर्ष र संगठन’ परिचालन समिति क्षेत्र नं.२ को आयोजनामा सुनवल वार्ड नं.६ बिशासयको गोलघाटमा भेला सम्पन्न भएको हो । भेलाले हरिलाल घिमिरेको अध्यक्षतामा सात सदस्यीय गोलघाट टोल समिति गठन गरेको छ । जसको सचिवमा सीता खत्री, कोषाध्यक्षमा कर्णबहादुर कार्की, सदस्यहरुमा लक्ष्मी नेपाली, गंगा पाण्डे घिमिरे, तेजबहादुर परियार लगायत रहनु भएको छ ।
भेलालाई राजमो नेता कृष्णराज पौडेलले सफलताको शुभकामना सहित समसामयिक विषयमा प्रशिक्षण दिनु भयो । यसैगरी जिल्ला सल्लाहकार तिलकप्रसाद सुवेदीले नवनिर्वाचित सदस्यहरूलाई बधाई तथा सफल कार्यकालको शुभकामना दिनुभएको थियो । साथै
भेलामा राजमो जिल्ला सदस्यद्वय रेवति घिमिरे र नरेन्द्र विकको समेत उपस्थित थियो ।
