वसन्त खड्का/सन्धिखर्क ।
अर्घाखाँचीमा अखिल नेपाल राष्ट्रिय खेलकुद महासङ्घको जिल्ला सम्पर्क समिति गठन गरिएको छ । वामपन्थी नेता भैरवराज रेग्मीको प्रमुख आतिथ्यतामा २०७७ पुस ११ गते आयोजित भेलामा सो समिति गठन गरिएको हो ।
भेलाले विनोद गैरे संयोजक रहेको १५ सदस्यीय जिल्ला सम्पर्क समिति गठन गरेको छ । समितिको सहसंयोजकमा साजन वली, सचिवमा भुपाल पुन, कोषाध्यक्षमा मेघनाथ खनाल र सदस्यहरूमा रामु परियार, विजय भाट , थम्मन केसी, वसन्त थापा, बोमबहादुर विक, थमन बिसी, रामप्रसाद पन्थी, ढुण्डिराज खनाल, हिम्मत खनाल र कोपिला घर्तीमगर रहनुभएको छ भने सल्लाहकारमा प्रेम आले, कृष्ण खनाल र तारा हिताङ रहनुभएको छ ।
भेलामा राष्ट्रिय जनमोर्चाका पूर्व केन्द्रीय सदस्य शेरबहादुर बिसी, राजमो केन्द्रीय सदस्य झबिलाल थापा र राजमोका जिल्ला अध्यक्ष थम्मन केसीको पनि उपस्थिति रहेको थियो ।
भेलाको सञ्चालन गोपाल पौडेलले तथा अध्यक्षता विनोद गैरेले गर्नुभएको थियो ।
