काठमाडौं । नेपालका ह्याण्डबलका खेलाडी तथा प्रशक्षिकको सहयोगका लागि नेपाल ह्याण्डबल संघलाई एसियाली ह्याण्डबल महासंघले रु सात लाख ६५ हजार राहत सहयोग गरेको छ ।

नेपालमा कोरोना भाइरसका कारण प्रभावित भएका ह्याण्डबलका खेलाडी र प्रशिक्षकलाई राहत पाइयोस भन्ने उद्देश्यले एसियाली ह्याण्डबल महासंघले उक्त सहयोग प्रदान गरेको हो । सो रकमले ह्याण्डबलका खेलाडी, पूर्व खेलाडी, प्रशिक्षक र रेफ्रिको कोरोना बीमा गरिने नेपाल ह्याण्डबल संघका अध्यक्ष तेजबहादुर गुरुङले बताउनुभयो ।

कोरोना बीमा गर्न संघले सबैको सूची तयार गर्ने काम गरिरहेको उहाँको भनाइ छ । कोरोनाबाट बढी प्रभावित भएकाहरुलाई बीमामा प्राथमिकता दिइने संघले जनाएको छ । यसअघि संघले झण्डै २०० खेलाडीलगायतको कोरोना बिमाको तयारी थालेको थियो ।