खिमराज चालिसे,चन्डिगढ (भारत) ।
सर्लाही मलङ्गवा गाउँपालिका वार्ड नम्बर ९ चन्द्रनगर स्थायी निवासी अर्घाखाँची माइत भएकी तथा मूल प्रवाह अखिल भारत नेपाली एकता समाज महिला नगर विभाग संगरुरकी सक्रिय कार्यकर्ता मन्जु शर्मालाई आर्थिक सहयोग गरिएको छ ।
आर्थिक अवस्था कमजोर शर्माको उपचार खर्च तीन लाख हुने बताइएको निवेदनसहित सहयोगको अपिल गरिएपछि मूल प्रवाह अखिल भारत नेपाली एकता समाजको चण्डिगढ नगर समितिले आर्थिक सहयोग गरेको हो ।
उक्त निवेदनउपर मूल प्रवाह चण्डिगढ़ले दश हजार नेरु सहयोग गरेको थियो । उक्त रकम मूल प्रवाहका क्षेत्रीय सदस्य प्रेम आचार्य र नगर सचिव तेजबहादुर रोका चण्डिगढको पिजिआई अस्पताल पुगी सहयोग हस्तान्तरण गर्नुभएको थियो ।
शर्मा केही दिनअघिदेखि चन्डिगढको पिजिआई अस्पतालमा मुटुरोगको उपचारका लागि भर्ना हुनुहुन्छ । अहिले उहाँको अपरेसन पनि सफलतापूर्वक सम्पन्न भएको जनाइएको छ ।
