भरतपुर । घोप्टेभिरको पहिरो सफा गरिएपछि पृथ्वी रागमार्ग सञ्चालनमा आएको छ ।

इच्छाकामना गाउँपालिका–४ स्थित घोप्टेभिरमा कात्तिक २३ गते बिहान खसेको पहिरो व्यवस्थापन गरी दिउँसो १:३० बजेबाट यातायात सेवा सुचारु गरिएको हो ।

नागढुङ्गा–मुग्लिन सडक योजना पश्चिम खण्डका सूचना अधिकारी सचेन्द्र मिश्रका अनुसार १:२५ बजेबाट पहिरो व्यवस्थापन गरिएको छ ।

मुग्लिन र धादिङ तर्फबाट छओटा लोडर, एक्साभेटर, जेसिबी प्रयोग गरी पहिरो व्यवस्थापन गरिएको हो । उक्त स्थानमा आइतबार पनि सुख्खा पहिरो खसेर दिनको समयमा केही बेर सडक अवरुद्ध भएको थियो । गए राति १ बजे पुन: खसेको पहिरो पन्छाएर सडक सुचारु गरिएको हो ।

पहिरो खसेको ठाउँ मुग्लिनबाट तीन किलोमिटर काठमाडौँतर्फ पर्दछ । सडक सञ्चालनमा आएसँगै लाइनमा रहेका सवारी गन्तव्यतर्फ लागेका छन् ।