जगदीश ढकाल, नेपालगञ्ज ।
नेकपा (मसाल) का पार्टीसदस्य तेजपाल केसी (पार्टीभित्र टेक नाम क. रमेश) को श्रद्धाञ्जलीसँगै तथा दाहसंस्कार गरिएको छ ।
अखिल नेपाल युवक सङ्घका पूर्व अध्यक्ष कृष्णराज पाण्डेले कम्युनिस्ट पार्टीको झन्डा ओढाएसँगै २०८३ भदौ ५ गते शुक्रबार बाँकेको अघैयाघाटमा उहाँको दाहसंस्कार गरिएको हो ।
घाटमा सङ्क्षिप्त शोकमन्तव्य राख्दै पाण्डेले केसीले लिएको पार्टीको विचारलाई अघि बढाउन सके उहाँप्रति सच्चा श्रद्धाञ्जली हुने बताउनुभयो ।
शोकसभामा मूल प्रवाह अखिल भारत नेपाली एकता समाजका पूर्व केन्द्रीय सदस्य ज्ञानचन्द्र अर्यालले दिवङ्गत नेता केसीले भारतमा रहेर सामाजिक परिवर्तनको पक्षमा दिनुभएको योगदानबारे चर्चा गर्नुभएको थियो ।
श्रद्धाञ्जली दिन अखिल नेपाल किसान महासङ्घ(अप्फा) का महासचिव तुलसीराम सापकोटा, अखिल नेपाल महिला सङ्घकी केन्द्रीय सदस्य पूर्णकला भण्डारी, राष्ट्रिय जनमोर्चा लुम्बिनी प्रदेश समितिका सदस्य भीमप्रसाद देवकोटासहित विभिन्न राजनीतिक दल तथा सङ्घसंस्थाका व्यक्तित्वको उपस्थिति रहेकोे थियो ।
राजमो बाँकेकी सल्लाहकार माला केसीका श्रीमान तेजपाल आफ्नो पुख्र्यौली घर सल्यान बागचौर नगरपालिका वडा नं. ३ नयाँबस्ती भएको परिवारले बताएको छ ।
रोजगारीको सिलसिलामा लामो समयसम्म भारतको लुधियानामा रहँदा मूल प्रवाहका विभिन्न समितिमा रही उहाँले योगदान पुर्याउनुभएको थियो ।
गत केही वर्षयता उहाँ बाँकेको नेपालगन्ज उपमहानगरपालिका वडा नं. १८ नागरिकटोलमा परिवारसहित बस्दै आउनुभएको थियो ।
बुबा पदमप्रसाद केसी, आमा बढनी केसीका पुत्र तेजपाल केसीको परिवारमा एक छोरा, एक बुहारी, दुई छोरी, एक बहिनी रहेका छन्न ।
तेजपाल लामो समयदेखि ब्लडप्रेसरबाट पीडित हुनुहुन्थ्यो ।
यही भदौ ४ गते राति ११ बजेतिर ६९ वर्षको उमेरमा उहाँको नेपालगन्जस्थित आफ्नै निवासमा निधन भएको थियो ।