काठमाडौँ । बुधबारदेखि सुरु हुने छैटौँ त्रियोग अन्तरविद्यालय चेस प्रतियोगिताको तयारी पूरा भएको छ ।

त्रियोग हाइस्कुलको आयोजनामा हुने तीनदिने प्रतियोगितामा पाँच सय खेलाडीको सहभागिता रहनेछ । प्रतियोगितामा आठ स्पर्धा समावेश छन् ।

स्विस लिग प्रणालीमा हुने प्रतियोगिताअन्तर्गत बुधबार ३ कक्षासम्मका छात्र र छात्रा तथा कक्षा ४ र ५ उमेरसमूहका छात्र र छात्राको खेल हुनेछ ।

बिहीबार कक्षा ६ र ७ तथा ८ देखि १० समूहको छनोट खेल हुनेछ । शुक्रबार अन्तिम चरणको खेल हुनेछ । हरेक वर्ष आयोजना हुने यो प्रतियोगिता यस संस्करण भने विद्यालयको चालिसौँ स्थापना दिवसको उपलक्ष्यमा हुन लागेको हो ।