काठमाडौँ । एसियाली खेलकुद प्रतियोगिताको पुरुष टी–२० विश्वकप छनोटअन्तर्गत समूह ‘ए’ को पहिलो खेलमा चीन नेपालसित दुई सय २१ रनले पराजित भएको छ।
सिङ्गापुरमा भउकव खेलमा टस हारेर पहिले ब्याटिङ गरेको नेपालले दिएको तीन सय १४ रनको विशाल लक्ष्य पछ्याएको चीन १९.२ ओभरमा ९२ रनमा समेटियो हो ।
नेपालको यो टी–२० अन्तर्राष्ट्रियमा दोस्रो उच्च योगफल बनाउने क्रममा कुशल भुर्तेलले विष्फोटक शतकीय इनिङ खेल्दा कुशल मल्ल र रोहित पौडेलले अर्धशतकीय इनिङ खेलेका थिए ।
यसअघि नेपालले सेप्टेम्बर २७, २०२३ मा एसियन गेमका दौरान मङ्गोलिया विरुद्ध तीन सय १४ रन बनाएको थियो । आज नेपालले चीन विरुद्ध निर्धारित २० ओभरमा दुई विकेट गुमाएर तीन सय १३ रन बनायो ।
टस हारेर पहिले ब्याटिङ गरेको नेपालको उच्च स्कोरमा ओपनर कुशल भुर्तेलले करिअरकै उत्कृष्ट ब्याटिङ गर्दै विष्फोटक शतक बनाए ।
उनले ४३ बलमा पाँच चौका र १६ छक्का प्रहार गर्दै एक सय २९ रन बनाएका थिए । उनको यो टी–२० अन्तर्राष्ट्रियमा करिअरको सर्वाधिक उत्कृष्ट स्कोर हो ।
उनले उच्च स्कोर बनाएसँगै टी–२० अन्तर्राष्ट्रियमा २ हजार रनको कीर्तिमानसमेत पूरा गरे । उनले एकै ओभरमा छ छक्का प्रहार गर्ने खेलाडीमा आफूलाई सामेल पनि गराए । उनको यो टी–२० अन्तर्राष्ट्रियमा दोस्ररो शतकसमेत हो ।
भुर्तेलबाहेक कुशल मल्लले ४७ बलमा आठ चौका र पाँच छक्का प्रहार गर्दै ८५ रन बनाएर अविजित रहँदा रोहित पौडेलले २१ बलमा पाँच चौका र सात छक्काको सहयोगमा ६९ रनको अविजित इनिङ खेलेका थिए । आसिफ शेख ११ रनमा आउट भएका थिए । दोस्रो विकेटका लागि भुर्तेल र मल्लले एक सय ७५ रनको साझेदारी गरेका थिए ।
तीन सय १४ रनको विशाल लक्ष्य पछ्याएको चीन ४ बल बाँकी हुँदै अलआउट भयो । चीनका लागि सेन्जियन झेङले ३१ रन बनाउँदा डू जयानहाओले १७ रन बनाए ।
थप दोहोरो स्कोरका रूपमा टियान सेनक्विनको १२ रन रह्यो । नेपालका लागि कुशल मल्लले तीन विकेट लिँदा सोमपाल कामीले दुई तथा सन्दीप लामिछानेले दुई विकेट लिए ।
