बेरुत । लेबनानको राजधानी बेरुतको दक्षिणी उपनगर र दक्षिणका विभिन्न क्षेत्रमा भएको इजरायली हवाई आक्रमणमा ३१ जनाको मृत्यु हुनुका साथै एक सय ४९ जना घाइते भएका छन् ।
लेबनानको स्वास्थ्य मन्त्रालयले विज्ञप्ति जारी गर्दै मन्त्रालयको जनस्वास्थ्य आपतकालीन सञ्चालन केन्द्रले बेरुतको दक्षिणी उपनगरमा २० जनाको मृत्यु हुनुका साथै ९१ जना घाइते भएको सोमबार जनाएको हो ।
त्यसैगरी दक्षिणी लेबनानमा भएको आक्रमणमा ११ जनाको मृत्यु भएको र ५८ जना घाइते भएको जनाउँदै केन्द्रले मृतकको सङ्ख्या बढ्न सक्ने जनाएको छ ।
इजरायली आक्रमणले बेरुतको दक्षिणी उपनगरलाई लक्षित गरेकाले दक्षिणी लेबनानबाट इजरायली संस्थातिर रकेट प्रक्षेपण गरेपछि विस्थापनको ठुलो मात्रामा लहर सुरु भएको जनाइएको छ ।
२०२४ नोभेम्बरमा युद्धविराम भएपछि पहिलोपटक इजरायली एकाइतिर रकेट प्रहार गरिएको जनाइएको छ ।
लेबनानमा लागु भएको युद्धविराम सम्झौतामा ६० दिनभित्र दक्षिणी सीमावर्ती गाउँ र सहरबाट इजरायली सेना फिर्ता लिन अनिवार्य गरिएको थियो । त्यसपछि लेबनानी सरकार फेब्रुअरी १८ सम्म समयसीमा विस्तार गर्न सहमत भए यद्यपि कब्जा सेना पाँच बिन्दुमा तैनाथ छ भने निरन्तर युद्धविरामको उल्लङ्घन जारी छ । (रासस/क्युएनए)
