काठमाडौँ । नेपाली राष्ट्रिय महिला फुटबल टोलीका कप्ता सावित्रा भण्डारी साम्बाको उपचार व्यवस्था हुन थालेको छ ।
घुँडाको गम्भीर चोटका कारण जटिल शल्यक्रिया गर्नुपर्ने भएकाले रकम अभाव हुँदा उपचारका लागि सहयोग जुट्न थालेको हो ।
यसैबिच, नेपाली कङ्ग्रेसले साम्बाको उपचारका लागि रु पाँच लाख सहयोग गरेको छ । कङ्ग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलालले आज विज्ञप्ती जारी गरी साम्बा घुँडाको गम्भीर चोटका कारण हाल जटिल शल्यक्रियाको तयारीमा रहेको उल्लेख गर्दै उहाँको उपचारका लागि पार्टीको तर्फबाट उक्त सहयोग गरेको जानकारी दिए ।
केएमसीले नि:शुल्क उपचार गर्ने
यता, काठमाडौँ मेडिकल कलेज (केएमसी)ले राष्ट्रिय कप्तान साम्बाको नि:शुल्क उपचार गरिदिने भएको छ ।
सो अस्पतालका प्रमुख प्रशासकीय अधिकृत नारायणप्रसाद दाहालले विज्ञप्ति जारी गरी कप्तान साम्बाको नि:शुल्क उपचार गरिदिने जानकारी दिनुभएको छ ।
