फरीदाबाद । मूल प्रवाह अखिल भारत नेपाली एकता समाज फरीदाबाद नगर समितिले २०२५ सालको प्रगतिशील देउसी भैलोको समीक्षा समारोह सम्पन्न पारिएको छ ।
नगर अध्यक्ष विष्णु बि.सी.को अध्यक्षता तथा सुशीला पाण्डेको सञ्चालनबाट अगाडि बढेको सो कार्यक्रममा समाजका केन्द्रीय सदस्य बाबुराम बिष्टको प्रमुख आतिथ्यता र पश्चिमोत्तर क्षेत्रीय समितिबाट बाबुराम भुसाल, पश्चिमोत्तर क्षेत्रीय महिला विभागबाट माया बिसी, अखिल भारत नेपाली विद्यार्थी संघ केन्द्रीय समितिबाट सचिव सरिता बिसी, विद्यार्थी क्षेत्रीय समितिबाट कमल कुँवर, क्षेत्रीय सांस्कृतिक विभागबाट धरम खनाल, महिला नगर विभाग फरीदाबाद संयोजक शकुन्तला थापा, नगर समितिबाट किसन थापा र चन्द्र अधिकारी, महिला विभागबाट मिश्री खड्का लगायतले अतिथि आसनग्रहण गर्नुभएको थियो ।
कार्यक्रममा सहभागीहरूलाई नगर समितिका उमेश जिसीले मन्तव्यबाट र रक्तिमका कलाकारहरूले गीत संगीतद्वारा स्वागत गर्नुभएको थियो ।
कार्यक्रममा एनआईटी एरियाका अध्यक्ष लोकराज थापा, हेबल हेमला एरियाबाट नारायण राना, बल्लभगढ एरियाबाट मिना जिसी, मूल प्रवाह नगर समितिकी महिला कार्यकर्ता बिमला महरा, नगर समितिका सदस्य अशोक केसी, सविता थापा लगायतले मन्तव्य राख्नुभएको थियो ।
कार्यक्रममा देउसी भैलोमा सहभागि कलाकारहरूलाई नगर समितिले पुरस्कृत गरेको थियो ।
