काठमाडौँ । भारतीय प्रधानन्यायाधीश सूर्यकान्त शर्माको शपथ ग्रहण समारोहमा भाग लिन नेपालमा प्रधानन्यायाधीश प्रकाशमान सिंह राउत भारत जाने भएका छन् ।
शपथ ग्रहणमा भाग लिन सर्वोच्च अदालतको उच्चस्तरीय टोली २०८२ मङ्सिर ६ गते भारत जान थालेको हो ।
भूषण रामकृष्ण गवाईको अवकाशपछि नवनियुक्त प्रधानन्यायाधीशमा शर्मा नियुक्त भएका हुन् ।
प्रन्या राउत नेतृत्वको टोलीमा सर्वोच्च अदालतकी वरिष्ठतम् न्यायाधीश सपना प्रधान मल्ल, मुख्य रजिस्ट्रार विमल पौड्याललगायत छन् ।
सरकारले मङ्सिर ३ गते मात्रै मन्त्रिपरिषद् बैठकबाट उद्योगमन्त्री अनिलकुमार सिन्हालाई भारत भ्रमणको अनुमति दिएको छ ।
मन्त्रिपरिषद्बाट स्वीकृत कार्यक्रमअनुसार उनी मङ्सिर ८ गते भारतीय राष्ट्रपति भवनमा हुने नवनियुक्त प्रन्याको शपथ ग्रहणमा भाग लिनेछन् र मङ्सिर १० गते सर्वोच्च अदालतमा आयोजना हुने संविधान दिवसको कार्यक्रममा सहभागी हुनेछन् ।
सिन्हा सर्वोच्च अदालतको संवैधानिक इजलासमा समेत बसेर अवकाश भएका न्यायाधीश समेत हुन् । तीन साताअघि मात्रै प्रधानन्यायाधीश राउत, वरिष्ठतम न्यायाधीश सपना प्रधान मल्ल, न्यायाधीश विनोद शर्मालगायतको टोलीले बङ्गलादेशको भ्रमण गरेको थियो यद्यपि यस सन्दर्भमा कतिपय कोणबाट प्रश्न उठ्ने गरेको छ ।
