धनगढी । अखिल नेपाल राष्ट्रिय उद्योग व्यापार सङ्घको सुदूरपश्चिम प्रदेश समिति गठन भएको छ ।
सङ्घका केन्द्रीय सदस्य नरेन्दबहादुर विष्टको प्रमुख आतिथ्यमा २०८२ भदौ २१ गते शनिबार कैलालीको अत्तरियामा सम्पन्न भेलाले सो समिति गठन गरेको हो ।
राष्ट्रिय जनमोर्चाका महासचिव मनोज भट्टको विशिष्ट आतिथ्य रहेको सो भेलामा तराई मधेस जनवादी मोर्चाका महासचिव राजाराम चौधरी, राजमो केन्द्रीय सदस्य तथा सुदूरपश्चिम प्रदेश समितिका अध्यक्ष नन्दराज भट्ट र राजमो सुदूरपश्चिम प्रदेश समितिका उपाध्यक्ष हरिकृष्ण पाण्डेको पनि आतिथ्य रहेको थियो ।
अध्यक्षमा विष्ट
समितिको अध्यक्षमा नरेन्द्रबहादुर विष्ट (डोटी) रहनुभएको छ भने सचिवमा खेमराज बडु (कैलाली) र कोषाध्यक्ष राजकुमार चौधरी (कञ्चनपुर) रहनुभएको छ ।
त्यस्तै समितिको सदस्यमा इन्द्र बडेल (कैलाली), जगदीश राना (कैलाली), गोपाल चौधरी (कञ्चनपुर), शङ्कर विक (डोटी), कुन्तीदेवी पाण्डेय (कैलाली) र ओजराज अवस्थी (डडेलधुरा) रहनुभएको छ ।
भेलाले आगामी असोज २१ गते कैलालीको, असोज २३ गते कञ्चनपुरको र असोज २५ गते डोटीको जिल्ला भेला गर्ने निर्णय गरेको छ ।
