तौलिहवा । कपिलवस्तु शिवराज नगरपालिकाको चन्द्रौटामा अखिल नेपाल जनजाति सम्मेलनको दोस्रो भेला सम्पन्न भएको छ ।
सम्मेलनका केन्द्रीय सदस्य केहरसिंह पुनमगरको प्रमुख आतिथ्यमा २०८२ भदौ १९ गते बिहीकार सो भेला सम्पन्न भएको हो ।
भेलाले शिवप्रसाद थारूको अध्यक्षतामा नौ सदस्यीय शिवराज नगर समिति गठन गरिएको छ ।
समितिको उपाध्यक्षमा तारा घर्तीमगर, सचिवमा रामबहादुर बुढाथोकी, कोषाध्यक्षमा बेगम बुढामगर तथा सदस्यहरूमा चनकिया थारू, निमा पुन, मोहन चौधरी, कमला बुढामगर र ज्ञानबहादुर थापा रहनुभएको छ ।
भेलाले केहरसिंह पुन मगर, कर्मराज चौधरी र करण पुनमगरलाई चयन गरिएको छ ।
भेलालाई सम्बोधन गर्दै प्रमुख अतिथि पुनमगरले जनजाति सम्मेलनको राष्ट्रिय अधिवेशनमा जुटेको बताउनुभयो ।
अधिवेशनको तयारीमा यतिखेर जिल्ला अधिवेशन तथा नगर भेलाजस्ता कार्यक्रम भइरहेको पनि जानकारी दिनुभयो ।
भेलालाई राष्ट्रिय जनमोर्चा कपिलवस्तुका सचिव केरसिंह अदै ले समसामयिक राजनीतिक परिस्थितिको बारेमा प्रकाश पार्नुभएको थियो ।
कार्यक्रममा अखिल नेपाल किसान महासङ्घका केन्द्रीय सदस्य श्यामप्रकाश खनालले पनि मन्तव्य राख्नुभएको थियो ।
ज्ञानबहादुर थापाको अध्यक्षता तथा शिवप्रसाद थारूको स्वागत मन्तव्य रहेको कार्यक्रममा बेगम बुढामगरले सञ्चालन गर्नुभएको थियो ।
भेलाले भदौ ३० गतेको जिल्ला अधिवेशन सफल पार्नका लागि तयारीका काम गरिने जानकारी दिनुभयो ।
