दाङ । दाङ जिल्ला घोराही उपमहानगरपालिका वडा नम्बर १० नारायणपुर निवासी राष्ट्रिय जनमोर्चाका सदस्य शेरबहादुर केसीकी ५७ वर्षीया श्रीमती बसन्ता केसीको स्मृतिमा श्रद्धाञ्जलीसभा सम्पन्न भएको छ ।
मृतकका परिवार र आफन्त उपस्थितिमा २०८२ साउन १७ गते शनिबार उक्त कार्यक्रम सम्पन्न भएको हो ।
राजमो सदस्य तथा मृतकका आमाजूदाइ बुद्धिराम खड्काको अध्यक्षतामा अघि बढेको उक्त कार्यक्रममा अखिल नेपाल जनजाति सम्मेलनका पूर्व केन्द्रीय सदस्य रामबहादुर जिएम, अखिल नेपाल प्रगतिशील लेखक सङ्घ (अन्पा) लुम्बिनीका उपाध्यक्ष सुरेशकुमार पाण्डे, राजमो दाङका जिल्ला सदस्य मेघराज भट्टराई र सल्लाहकार मिनुप्रसाद सुवेदी, राजमो घोराही नगर समितिका मनिराम खनाल, नगर समितिका चन्द्रबहादुर रावतको उपस्थिति थियो ।
मृतकप्रति एक मिनट मौनधारणबाट सुरु भएको कार्यक्रमको सञ्चालन मृतकका पति शेरबहादुर केसीले गर्नुभएको थियो ।
सभामा परिवारको तर्फबाट छोरा सन्तोष केसी, किरण केसी, जीवन केसी, बुहारी आशा केसी, पूजा केसी र बालिका केसी साथै बहिनी तुलसा खत्री, सीता महतरा, कुन्ता भण्डारी र शान्ता जिसी उपस्थित हुनुहुन्थ्यो ।
